Dáýlet Turlyhanov ulynyń sot úkimine qatysty pikir bildirdi

<p>ASTANA. KAZINFORM &ndash; Májilis depýtaty Dáýlet Turlyhanov uly Bolat Nurasylǵa kesilgen sot úkiminiń ózgerýine qatysty túsinikteme berdi.</p>

«Sot sheshimi bar, biraq áke retinde árqashan ulym úshin alańdaımyn», - dep jaýap berdi Dáýlet Turlyhanov Májilis alańynda BAQ ókilderiniń saýalyna jaýap bere turyp.

Aıta keteıik, keshe Joǵarǵy sot Dáýlet Turlyhanovtyń ulyna kesilgen úkimdi ózgertti. 

Eske sala keteıik, 2023 jyldyń 9 qazanynda Almaty qalalyq áskerı sotynda zańger Anna Dmıtrıevıch pen onyń kúıeýi Oleg Chernovty soqqyǵa jyqqan Dáýlet Turlyhanovtyń uly Nurasyl Bolatqa qatysty sot úkimi shyqqan bolatyn. 

Sotta anyqtalǵandaı, sottalýshy B. 11 aqpanda saǵat 02.00 shamasynda «Eva» túngi klýbynyń janynda buzaqylyq nıetpen jábirlenýshi, erli-zaıypty Ch-ǵa qasaqana ortasha aýyrlyqtaǵy dene jaraqatyn keltirgen.

Sottalýshynyń kinási ózi moıyndaǵan aıǵaqtarymen, jábirlenýshiler men kýágerlerdiń aıǵaqtarymen, saraptama qorytyndysymen, oqıǵa bolǵan jerdi tekserý hattamalarymen dáleldengenin habarlaǵan edik.

Prokýror sottalýshy Bolat Nurasylǵa 1 jyl 6 aı bas bostandyǵyn shekteý túrinde jaza taǵaıyndaýdy suraǵan edi.