Dáýlet Bekmanov Memlekettik qyzmetter komıtetiniń tóraǵasy qyzmetinen bosatyldy

ASTANA. QazAqparat - QR Tsıfrlyq damý, ınnovatsııalar jáne aeroǵarysh ónerkásibi mınıstriniń buıryǵymen Dáýlet Nysanqululy Bekmanov bergen ótinishine sáıkes TsDIAÓM Memlekettik qyzmetter komıtetiniń tóraǵasy qyzmetinen bosatyldy, dep habarlaıdy QazAqparat Úkimettiń baspasóz qyzmetine silteme jasap.

Dáýlet Bekmanov 1983 jyly dúnıege kelgen. Ol «Mıras» ýnıversıtetin, M. Áýezov atyndaǵy Ońtústik Qazaqstan memlekettik ýnıversıtetin támamdaǵan.

Eńbek jolyn Eńbek jolyn jeke uıymda ınjener-júıe tehnıgi qyzmetinen bastady.

Ár jyldary «UAT» AQ, Baılanys jáne aqparat, Kólik jáne kommýnıkatsııalar, Investıtsııalar jáne damý mınıstrlikterinde jumys istedi.

2018-2020 jyldary «Ulttyq aqparattyq tehnologııalar» AQ basqarma tóraǵasynyń orynbasary qyzmetin atqardy.

2020 jyldyń aqpan aıynan bastap qazirgi ýaqytqa deıin QR Tsıfrlyq damý, ınnovatsııalar jáne aeroǵarysh ónerkásibi mınıstrligi Memlekettik qyzmetter komıtetiniń tóraǵasy qyzmetin atqardy.