Dáýlet Baıdeldinov beıbit jınalystar týraly jańa zań jobasy jóninde: Barlyq kemshilikter joıylady

ALMATY. QazAqparat - Ál-Farabı atyndaǵy QazUÝ zań fakýltetiniń dekany, professor Dáýlet Baıdeldinov «Qazaqstan Respýblıkasynda beıbit jınalystar, mıtıngiler, sherýler, pıketter jáne demonstratsııalar uıymdastyrý men ótkizý tártibi týraly» zań jobasyna qatysty pikir bildirdi, dep habarlaıdy QazAqparat tilshisi.

«Men spıkerlerge aıtqym keledi, sizder qazir qoldanyp júrgen bir zań arqyly sheshkińiz keletin máselelerdi sheshpeıtinin jaqsy túsinesizder. Sondaı-aq, men zań jobasy Parlamentke usynylǵan kezde zańgerler jan-jaqty qarastyratynyn aıtqym keledi. Barlyq eskertýler joıylady, óıtkeni jańa zań jobasynyń 7-baby, 20-baby jáne basqa da baptar qoldanystaǵy zańmen rettelgen», - dedi Dáýlet Baıdeldinov zań jobasynyń tujyrymdamasyn Almaty turǵyndarymen talqylaý kezinde.

Sondaı-aq, ol zań jobasynda mıtıngilerden bas tartý úshin normatıvtik dáleldi kúsheıtý kerektigin atap ótti.

«Mıtıngilerdi ótkizetin kezde ashyq aıtý kerek: qaı jerlerde ótkizýge bolady, qaı jerde ruqsat bar, qaı jerde ruqsat joq jáne taǵy basqalaryn. Sodan keıin, biz jalpy kelisimge kelemiz. Mıtıngige tek úkimetke qarsy baǵyttalǵan shara retinde qaraýǵa bolmaıdy. Sondyqtan, beıbit sherýler men demonstratsııalardy da qarastyraıyq», - dedi ol.

Aıta keteıik, búgin Almatyda QR Aqparat jáne qoǵamdyq damý mınıstri Dáýren Abaevtyń azamattyq belsendilermen kezdesýi ótti. Onda beıbit sherýlerdi ótkizý jáne uıymdastyrý tártibi jónindegi QR zańyn jetildirý máselesi qaraldy.