Daýlardy sottan tys jáne sotqa deıin sheshý ınstıtýttaryn damytý qajet - mınıstr
Qazaqstandyq qoǵamda daýlardy negizinen sot arqyly retteý keń taralǵanyn taldaý nátıjeleri kórsetip otyr. Bul azamattar men sottar úshin úlken máselege aınalýda, taraptar ýaqyty men qarajatyn joǵaltyp, sot júıesin aýyrlatady.
«Birinshiden kóp ýaqyt alady, qarjylyq shyǵyn keledi, sot júıesine shamadan tys júkteme jasaıdy. 2019 jyly qaralǵan 2 mln 600 istiń tek 42 myńǵa jýyǵy medıatsııa tártibimen rettelgen. Osyǵan baılanysty Memleket basshysy óz Joldaýynda aıtqandaı «sottan tys» jáne «sotqa deıingi» daýlardy retteý ınstıtýttaryn damytý qajet. Bul óz kezeginde azamattar arasynda janjaldy ýshyqtyrmaı, júıke tozdyrmaı, ýaqyt pen qarjyny shyǵyndamaı jyldam sheshýge múmkindik beredi»,- dedi Aıda Balaeva OKQ-da ótken baspasóz máslıhatynda.
Aqparat jáne qoǵamdyq damý mınıstrligi medıatsııa máselesinde AQSh, Ulybrıtanııa, Germanııa, Shveıtsarııa sııaqty aldyńǵy qatarly elderdiń úzdik tájirıbelerin negizge almaq.