Daýys berý kezinde qoǵamdyq tártipti buzý faktileri tirkelmedi — ІІM

<p>ASTANA. KAZINFORM &mdash; Búgingi referendýmǵa qatysty ishki ister organdarynyń jeke quramy kúsheıtilgen tártipte qyzmetin atqaryp jatyr. Bul týraly QR Іshki ister mınıstrliginiń resmı ókili Shyńǵys Alekeshev aıtty.</p>

«Іshki ister mınıstrligi Respýblıkalyq referendýmnyń ótkizilýi kezinde quqyqtyq tártip pen qaýipsizdikti qamtamasyz etý boıynsha is-sharalardy jalǵastyryp jatyr. Osyǵan deıin aıtqanymyzdaı, ishki ister organdarynyń jeke quramy kúsheıtilgen tártipte qyzmetin atqaryp otyr. Qazirgi kezde tártip saqshylary daýys berý ýchaskelerinde qoǵamdyq tártipti qamtamasyz etip, táýlik boıy kezekshilikte turady», — dedi Sh. Alekeshev Ortalyq kommýnıkatsııalar qyzmetindegi brıfıngide. 

Onyń aıtýynsha, polıtsııanyń jedel basqarý ortalyqtarynyń beınebaqylaý kameralarynyń kómegimen referendým ýchaskelerine irgeles aýmaqtarda baqylaý kúsheıtildi. Referendým ýchaskelerindegi oqıǵalarǵa ýaqtyly  áreket eti úshin árbir aýdanda mobıldi jedel-tergeý toptary quryldy.

«Jalpy, qazir referendým ýchaskelerinde jaǵdaı turaqty. Qoǵamdyq tártipti buzý faktileri tirkelgen joq. Іshki ister mınıstrligi el turǵyndary men qonaqtaryn zańdy saqtaýǵa, quqyqtyq tártipti qamtamasyz etýge baǵyttalǵan qaýipsizdik is-sharalaryna túsinistikpen qaraýǵa shaqyrady.Qoǵamdyq tártip buzylǵan jaǵdaıda, ishki ister organdarynyń kezekshi bólimderine nemese «102» baılanys jelisine habarlaý qajet», — dedi resmı ókil.

Budan buryn habarlanǵandaı, Bas prokýratýra referendýmdaǵy jaǵdaıǵa qatysty esep berdi.