Daýyldy jel, burqasyn, kóktaıǵaq: Jeksenbige sınoptıkter boljamy

<p>3 jeltoqsanda Qazaqstannyń basym bóligi tsıklon yqpalynda bolady, onymen jańbyr men qar túrinde jaýyn-shashyn, kóktaıǵaq, burqasyn kútiledi.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly &laquo;Qazgıdromet&raquo; RMK-ǵa silteme jasap habarlaıdy.</p>

Eldiń ońtústik-shyǵysynda ǵana antıtsıklonnyń áserinen kún raıy jaýyn-shashynsyz bolady.

Respýblıkanyń barlyq óńirinde tuman, jeldiń kúsheıýi boljanady.

Soltústik Qazaqstan, Pavlodar oblystarynyń – batys, soltústik jáne ońtústik bóliginde, Aqmola oblysynyń – batys, soltústik jáne shyǵys bóliginde, Qaraǵandy oblysynyń kúndiz soltústigi men shyǵysynda, Shyǵys Qazaqstan oblysynyń batys, soltústik jáne ońtústik bóliginde, Abaı oblysynyń kúndiz batys jáne ortalyǵynda daýyldy jel kútiledi. Jyldamdyǵy keı ýaqytta 30 m/s jáne odan joǵary bolady.