Daýyl: Shyǵys Qazaqstandaǵy tasjolda kólik qozǵalysy shekteldi

<p>Shyǵys Qazaqstan oblysyndaǵy tasjoldardyń birinde daýylǵa baılanysty kólik qozǵalysy shekteldi, dep habarlaıdy Kazinform.</p>

ShQO Tótenshe jaǵdaılar departamenti baspasóz qyzmetiniń málimetine súıensek, aýa raıynyń qolaısyzdyǵyna, naqty aıtqanda daýylǵa baılanysty oblystyq mańyzy bar «Óskemen-Tarǵyn-Samar» tasjolynyń ýchaskesinde kólik qolǵalysyna shekteý qoıyldy.

«Atalǵan tasjoldyń 63-145 shaqyrymynda júk kólikteriniń, tirkemeleri jáne jartylaı tirkemeleri bar traktorlardyń qozǵalysyna tyıym salyndy. Júrgizýshilerden qaýipsizdik sharalaryn saqtaýdy, barynsha abaı bolýdy suraımyz», - delingen aqparatta.

Osy rette, TJD qyzmetkerleri azamattardan kólikterin qysqy kezeńge daıyndaýǵa shaqyrdy. Jolda aýa raıynyń «tutqyny» bolyp qalmas úshin dóńgelek rezeńkesin qysqyǵa aýystyryńyz. Avtokólikte kúrek, jyly kıim, qosymsha janarmaı men telefon qýattaǵysh bolýy kerek. Qıyn jaǵdaıǵa tap bolsańyz birden «112» nómirine habarlasyńyz.