Dástúrmen úndesken dinimizdi urpaqqa jetkizý - paryz

ALMATY. QazAqparat – Almatyda dindar azamattar ıslam dininiń qazaq jerine kelý tarıhyn talqylady, dep habarlaıdy QazAqparat tilshisi.

Semınar Almaty qalasy Qoǵamdyq damý basqarmasynyń janyndaǵy «Keńes berý jáne ońaltý ortalyǵynyń» uıymdastyrýymen ótti.

Semınardy júrgizgen fılosofııa ǵylymynyń doktory Beısenov Baǵdat jınalǵan qaýymǵa qazaq jerine ıslam dininiń qaı ýaqytta kelgendigin túsindirdi.

Ata babamyzdyń ustanǵan dinin, sharıǵatyn osy ýaqytqa deıin qurmettep jetkizgeni jaıly aıtty.

Qazaq eline jat bolǵan deskrýtıvti aǵymdardyń qalaı, qashan paıda bolǵanyn, olardyń qazirgi qoǵamǵa qandaı keri áserin tıgizip jatqandyǵy týraly sóz qozǵady.

«Sonaý H ǵasyrda qazaq jerine kelip ózimizdiń dástúrli ustanymymyz bolǵan ımam Aǵzam Abý-Hanıfa mazhabyn saqtaı otyryp, onyń ishinde Matrýdı aqıdasyn bekem ustanyp kelgen ata-babarymyzdyń jolynda júrýimiz kerek. Onymen qoımaı osy joldy ósip kele jatqan urpaǵymyzǵa esh ózgertpesten jetkizýimiz mindet», - dedi Baǵdat Beısenov.

Sonymen qatar, spıker Qazaqstan Respýblıkasy zańymen tyıym salǵan aǵymdardy tizbektep aıtyp, bul aǵymdarǵa ne úshin tyıym salynǵanyn kópshilikke egjeı-tegjeıli túsindirip berdi.

Qatysýshylar óz suraqtaryn qoıyp, pikirlerin erkin bildirip, ashyq suhbattasty.