Dástúrli oqıtyn stýdentterden PTR test talap etile me
«Karantın talaptaryna sáıkes oqý orny ǵımaratynda, kitaphana jáne jataqhananyń kire berisinde Ashyq qosymshasynyń bolýy jáne ony qoldaný mindetti. Tynys alý joldarynyń ınfektsııasynyń belgileri bar (jótel, murynnan sý aǵý, dene temperatýrasy 37-den joǵary) adamdardy oqý ǵımaratyna kirgizýge bolmaıdy. Sonymen qatar maska rejımi saqtalady. Jáne stýdentterden PTR testin talap etýge jol berilmeıdi», - dedi QR Bilim jáne ǵylym mınıstrligi joǵary jáne joǵary oqý ornynan keıingi bilim departamentiniń dırektory Ádilet Toıbaev OKQ-de ótken brıfıngte.
Onyń aıtýynsha, búginde elimizde 5 myńnan astam stýdent jataqhanada turady.
«Joǵary oqý oryndary basqa qaladan keletin stýdentterdi jataqhanaǵa ornalastyrýdy aldyn ala qamtamasyz etedi. Sondaı-aq, koronavırýstyq ınfektsııaǵa qarsy ujymdyq ımmýnıtetti qalyptastyrý maqsatynda ýnıversıtetter professor-oqytýshylar quramy men qyzmetkerlerdi, stýdentterdi tolyq vaktsınatsııalaýǵa tartý boıynsha aqparattyq-túsindirý jumysyn jalǵastyryp jatyr. Búgingi tańda joǵary oqý oryndary stýdentteri arasynda 18 jasqa tolmaǵan jáne medıtsınalyq anyqtamasy barlardy esepke alǵanda 81,3%-y, professorlyq-oqytýshylar quramy arasynda 94,6% (14 qańtar) ekpe aldy», - deıdi ol.
Sondaı-aq departament dırektory karantın talaptaryn saqtaı otyryp, oqý kestesiniń buzylmaýyna erekshe mán beriletinin aıtty.