Dástúrli ánshiler Astananyń týǵan kúnine án men kúıden shashý shashty

ALMATY. QazAqparat - Almatyda dástúrli ánshiler Astananyń 20 jyldyǵyna án men kúıden tartý jasady, dep habarlaıdy QazAqparat tilshisi.

«Іnjý-Marjan» atty dástúrli mýzyka keshi «Alataý» dástúrli óner teatrynda ótti.

«Almaty» telearnasynda «Іnjý-marjan» atty mýzykalyq jobanyń júrip jatqanyna kóp boldy. Osy baǵdarlama arqyly kórermen tek án tyńdap qana qoımaı, sol ánniń shyǵý tarıhy jaıly bilip jatyr. Búgingi «Іnjý-marjan» atty dástúrli mýzyka keshi sol habardyń jyldyq qorytyndysy retinde ótip otyr. Sondaı-aq, kúlli Alash jurtynyń maqtanyshy Astananyń 20 jyldyq mereıtoıyna  arnalady. Túrli býyn ókilderi qatysqan kesh keremet áser qaldyrdy. Kórermenniń halyq qazynasy, dástúrli án-kúıge degen yqylasy tipti erekshe. Ulttyq qundylyqtarymyzdy, dástúrli ónerimizdi nasıhattaıtyn osyndaı jobalar kóptep ótkizilse deımiz», - dedi belgili ánshi Ramazan Stamǵazıev.

Kontsertti tamashalaýǵa jıylǵan jurtshylyq dástúrli óner shańyraǵynda Ramazan Stamǵazıev, Sáýle Janpeıisova, Erkin Shúkimanov, Uljan Baıbosynova, Aıgúl Qosanova, Ardaq Isataeva, Tileýles Qurmanǵalıev, Nurjan Janpeıisov, Erbolat Shaldybekov, Dáýrenbek Árkenov, Sholpan Dárjanova, Nurken Áshirov, Ospan Qulsymaq, Sáýlejan Taǵzııa jáne t.b. belgili dástúrli óner sheberleri men «Sazgen sazy» etnografııalyq-folklorlyq ansambliniń oryndaýyndaǵy kóneden jetken jaýhar jyrdy, ásem án men tátti kúıdi tyńdap, qulaq quryshyn bir qandyrdy.