Dástúrli sadaq atýdan Aýstralııa men Qazaqstan altyn júldege talasady

<p>ASTANA. KAZINFORM &ndash; Elordada V Dúnıejúzilik kóshpendiler oıyndarynda dástúrli sadaq atýdan komandalyq saıysta Qazaqstan komandasy fınalǵa shyqty.&nbsp;</p>

Komandalyq saıysqa 16 eldiń quramasy qatysqan. Komanda quramynda 3 er, 2 áıel sportshy bolady. Ár qatysýshyǵa 3 oqtan 1 múmkindik jáne 5 mınýt ýaqyt beriledi. Ár tıgen jebe úshin komanda enshisine 1 upaıdan jazylady. 

Foto: DKO

Qazaqstan tobynda Ajar Tóleýqanova, Aıkórkem Batıhan, Qanat Qasymhan, Marat Beksultan, Maqsat Ábdikerimov óner kórsetip, fınalǵa joldvsa aldy. Endi qazaqstandyq sadaqshylar fınalda Aýstralııa komandasymen altyn júldeni sarapqa salady. Sondaı-aq búgin júldeli úshinshi orynǵa Reseı jáne Ispanııa komandasy talasady. 

Foto: DKO

Foto: DKO

Eske sala ketsek, saıystyń alǵashqy kúni Jánibek Qulmyrzaev Pýta nysanasyn kózdeýde altyn júlde jeńip alǵan edi. 

Sonymen birge qazaqstandyq mergen Erbol Tápenov kúmis, Qanat Qasymhan eki qola jáne Aıkórkem Batıhan taǵy bir qola júldeni el qanjyǵasyna saldy. 

Keshe «Jamby» nysanasy boıynsha Jánibek Qulmyrzaev pen Baqbergen Sálimov qola júldege ıe boldy.

Dástúrli sadaq atýdan buǵan deıin Qazaqstan quramasynyń bas bapkeri Dıas Ahmetov atalǵan jarystyń qıyndyǵy nede ekenin aıtyp berdi.