Dástúrli emes medıtsınaǵa júgingen elorda turǵyny qaıtys boldy

<p>Elorda turǵyny dástúrli emes medıtsınalyq qyzmetpen aınalysqany úshin sottaldy, dep habarlaıdy <a href="https://kaz.inform.kz/" target="_blank" rel="noopener">Kazinform </a>Astana qalalyq prokýratýrasynyń <a href="https://www.gov.kz/memleket/entities/prokuratura-astana/press/news/details/660612?lang=kk" target="_blank" rel="noopener">baspasóz</a> qyzmetine silteme jasap.</p>

Bapasóz qyzmetiniń málimetterine qaraǵanda, dástúrli emes shyǵys medıtsınasymen aınalysatyn klınıkaǵa kelgen turǵyndardyń biri ózin árdaıym uıqy qysyp turatynyna shaǵymdanǵan. Osydan soń oǵan Qazaqstan Respýblıkasynda lıtsenzııalanbaǵan preparat ınektsııasy engizilip, artynan naýqastyń densaýlyq jaǵdaıy kúrt nasharlap ketken jáne kóp uzamaı qaıtys bolǵan.

Saraptama qorytyndysy boıynsha ólimniń sebebi anafılaktıkalyq shok boldy.

Memlekettik aıyptaýshy dástúrli emes shyǵys medıtsınasymen aınalysqan adamnyń abaısyzda kisi óltirip alǵanyn dáleldedi. Ol tıisti kýáligi men lıtsenzııasy joq medıtsınalyq qyzmetpen aınalysqan.

Sot úkimimen kináli medıtsınalyq qyzmetpen aınalysý quqyǵynan aıyrylyp, sottaldy.

«Prokýratýra azamattardy osy qyzmet túrimen aınalysýǵa tıisti ruqsaty joq adamdarǵa medıtsınalyq kómekke júginbeýge shaqyrady», — delingen Astana qalasy prokýratýrasynyń habarlamasynda.