Dástúrdi dáriptegen el anasy

<p>ShYMKENT. KAZINFORM &ndash;&nbsp; &laquo;Shýaqty kúnder&raquo; kitabymen oqyrmanǵa, batyr Baýyrjan kelini atymen qalyń qazaqqa tanys Zeınep Ahmetova shyraıly qalamyzǵa keldi. &laquo;Atamnyń arqasynda búgingi dárejege jetip, el ishinde erkelep júrmin&raquo; degen Zeınep Áskerbekqyzyn Shymkent qalasy Іshki saıasat jáne jastar isteri jónindegi basqarmasy basshysy Baqtııar Ónerbaev kútip alyp, aldymen dańqty Baýyrjan atamyzdyń eskertkishine taǵzym etip, gúl shoqtaryn qoıdy.</p>

Ulttyq dástúrimizge qaıshy ádetterdi qatań synap, jastar tárbıesine erekshe kóńil aýdaratyn Zeınep apamen «Er eldiń ıesi, áıel – úıdiń kıesi» taqyrybynda «Jastar resýrstyq ortalyǵynda» kezdesý uıymdastyryldy.

Jıynǵa mektep oqýshylary, qaladaǵy joǵary jáne orta arnaýly oqý oryndarynyń stýdentteri, pedagogter men ózge de sala qyzmetkerleri qatysty. Ásirese, kezdesýge kelgen jastardyń kóptigi qýantty. 

Foto: Kazinform

Syrlasý keshin Shymkent qalasy ákiminiń orynbasary Sársen Quranbek ashty. El anasy jınalǵan kópshilikpen eki saǵattan asa, emin-erkin syrlasyp, estelikteri men ǵıbratty, ónegeli áńgimelerimen bólisti. Halyqtyń rýhanı áńgimeni saǵynǵanyn soǵylǵan shapalaqtar bildirip turdy. Apaǵa suraq ornyna alǵys aıtyldy. Kesh sońynda jaqsynyń kózi, asyldyń synyǵy Zeınep apamyzǵa shapan jabylyp, gúl shoqtary jaýdy. 

Foto: Kazinform

Osy rette aıta keteıik, aldaǵy ýaqytta Shymkent qalasy ishki saıasat jáne jastar isteri jónindegi basqarmasynyń bastamasymen qolǵa alynǵan «Qaıyrymdy qala qundylyqtary» jobasy aıasynda túrli salanyń tanymal ókilderimen kezdesýler serııasy turaqty túrde ótkizilip turmaq. 

Foto: Kazinform