«Daryn» jastar syılyǵy endi 35 jasqa deıingi azamattarǵa beriledi

ASTANA. QazAqparat – Aqparat jáne qoǵamdyq damý mınıstri Darhan Qydyráli «Daryn» memlekettik jastar syılyǵynyń keıbir máseleleri týraly» buıryqqa qol qoıdy, dep habarlaıdy QazAqparat tilshisi.

«Halyqaralyq jáne respýblıkalyq konkýrstardyń, festıvaldr men kórmelerdiń laýreattary, respýblıkalyq jáne halyqaralyq deńgeıdegi sporttyq jarystardyń júldegerleri men jeńimpazdary, sondaı-aq ınnovatsııalyq baǵytta qyzmet atqaratyn jáne tutastaı qoǵamnyń damýyna yqpal etetin 35 jastan aspaǵan QR azamattary syılyq alýǵa úmitker bola alady», - delingen mınıstr qol qoıǵan buıryqta.

Aıta keteıik, buǵan deıin «Daryn» syılyǵy 29 jastan aspaǵan qazaqstandyqtarǵa taǵaıyndalatyn.

Syılyqty ár nomınatsııa boıynsha eń kóp degende tek 2 úmitkerge berýge ruqsat etiledi. Bul jaǵdaıda aqshalaı syıaqy olardyń arasynda teń bólinedi. Syılyqty buryn alǵan azamat qaıta ótinish bere almaıdy.

Eske salaıyq, byltyr 8 jeltoqsanda Senat 35 jasqa deıingilerdi «jastar» sanatyna engizý týraly zań jobasyn maquldaǵan edi.