«Daryn» memlekettik jastar syılyǵy baıqaýyna ótinish qabyldanyp jatyr

NUR-SULTAN. QazAqparat - 2021 jylǵy 20 mamyrda Qazaqstan Respýblıkasynyń Aqparat jáne qoǵamdyq damý mınıstrligi Qazaqstan Respýblıkasy Úkimetiniń «Daryn» memlekettik jastar syılyǵyna baıqaý jarııalady, dep habarlaıdy QazAqparat.

Baıqaý «Ádebıet», «Ǵylym», «Dızaın jáne beıneleý óneri», «Jýrnalıstıka», «Klassıkalyq mýzyka», «Qoǵamdyq qyzmet», «Sport», «Teatr jáne kıno», «Estrada», «Halyq shyǵarmashylyǵy» atty 10 nomınatsııa boıynsha ótedi.

Syılyq alýǵa Qazaqstan Respýblıkasynyń 29 jasqa deıingi halyqaralyq jáne respýblıkalyq konkýrstardyń, festıvaldar men túrli sharalardyń laýreattary, respýblıkalyq jáne halyqaralyq deńgeılerdegi sporttyq jarystardyń júldegerleri men jeńimpazdary úmitker bola alady.

«Daryn» jastar syılyǵyn alýǵa kandıdatýralardy usynýdy memlekettik organdar, shyǵarmashylyq uıymdar qoǵamdyq birlestikterdiń ókilderi júrgizedi.

Іzdenýshilerdiń qujattaryn 2021 jylǵy 10 tamyzǵa deıin Qazaqstan Respýblıkasy Aqparat jáne qoǵamdyq damý mınıstrligi (qaǵaz nusqasy) kelesi mekenjaı boıynsha: Nur-Sultan qalasy, Mángilik el dańǵyly, 8, «Mınıstrlikter úıi» ǵımaraty (14-kireberis), 8/7172/74-05-25, 8/7172/74-18-43 (8-701-170-46-54) jáne (elektrondyq nusqa) [e-mail] el. poshta arqyly qabyldaıdy.

Tolyq aqparat («Daryn» memlekettik jastar syılyǵyn usyný qaǵıdasy jáne t.b.) Qazaqstan Respýblıkasy Aqparat jáne qoǵamdyq damý mınıstrliginiń resmı saıtyndaǵy (qogam.gov.kz) «Jastar saıasaty» bóliminde qol jetimdi.