Daryn Qonysbaev trıatlonnan Ýkraınadaǵy týrnırde top jardy
23:43, 10 Qyrkúıek 2019
NUR-SULTAN. QazAqparat - Qazaqstandyq Daryn Qonysbaev Lvov qalasynda (Ýkraına) ótken trıatlonnan halyqaralyq týrnırde jeńimpaz atandy, dep habarlaıdy Olympic.kz.
Triathlon Cup-2019 jarysynyń fınaly ártúrli qashyqtyqty baǵyndyrǵan 210 kásibı jáne áýesqoı sportshylardy jınady. Kásibı sportshylar sanatynda úzdik nátıjeni Qazaqstan ulttyq quramasynyń kóshbasshysy Daryn Qonysbaev kórsetti. Ol 1500 metrge júzip, 40 shaqyrymdy velosıpedpen jáne 10 shaqyrymdy júgirýmen 1 saǵat 57 mınýt 56 sekýndta baǵyndyrdy. Ekinshi orynǵa Darynan 1 mınýt keshikken ıÝlıan Demıanov jaıǵassa, úshinshi orynǵa 2 saǵat 01 mınýt 50 sekýnd nátıjesimen Anton Blohın (Ýkraına) ıe boldy.
Al kásibı áıel sportshylar arasynda júldeni jergilikti sportshylar ózara bólisti.