Dárilik zattarǵa baǵa belgileý tetigi qaıta qaralady

<p>ASTANA. KAZINFORM &ndash; QR Densaýlyq saqtaý mınıstrligi patsıentterdiń, memlekettiń jáne óndirýshilerdiń múddelerin eskere otyryp, dárilik zattarǵa baǵa belgileý tetigin qaıta qaraıtynyn málimdedi.</p>

Dárilerdiń sapasyn baǵalaý men irikteýde qaýipke baǵdarlanǵan tásil boıynsha jáne farmatsevtıkalyq ónimdi ákelý tártibinde ózgerister engizilip jatyr. Memlekettik organdardyń, «Atameken» QR UKP, úkimettik emes uıymdar men bıznes-qoǵamdastyqtyń ókilderin qamtıtyn farmatsevtıkalyq jáne medıtsınalyq ónerkásipti damytý jónindegi vedomstvoaralyq komıssııa quryldy. 2024 jylǵy naýryzda strategııalyq usynystardy ázirleýge jaýapty beıindi departament quryldy.

Satyp alý tıimdiligin arttyrý úshin Biryńǵaı dıstrıbıýtor jaramdylyq merzimderin eskere otyryp, taýarlardy josparlaý men bólýdi avtomattandyratyn aqparattyq júıeni engizdi. Bul esepten shyǵarylǵan preparattardyń sanyn azaıtady. Biryńǵaı dıstrıbıýtordyń qyzmeti óndirýshilermen tikeleı sharttar jasasýǵa baǵyttalatyn bolady, bul deldaldardy alyp tastaýdyń esebinen dári-dármek baǵasyn tómendetýge múmkindik beredi.

Іshki tergeý júıeli kemshilikter men tıisti baqylaýdyń joqtyǵyn anyqtady, nátıjesinde Mınıstrliktiń jaýapty bólimsheleri men onyń vedomstvolyq baǵynysty uıymdarynyń negizgi basshylary qyzmetinen bosatyldy.

Qabyldanyp jatqan sharalar Qazaqstan halqyn qaýipsiz jáne sapaly dárilik zattarmen jáne medıtsınalyq buıymdarmen qamtamasyz etýge, sondaı-aq otandyq óndirýshilerdi qoldaýǵa baǵyttalǵan.

«2024 jyldyń birinshi toqsanynda QR joǵary aýdıtorlyq palatasy QR Densaýlyq saqtaý mınıstrligi men onyń vedomstvolyq baǵynysty uıymdarynyń 2022-2023 jyldardaǵy qyzmetine aýdıt júrgizip, dári-dármekter men medıtsınalyq buıymdardyń baǵasyn, satyp alýlaryn, logıstıkasyn, ınspektsııalaryn jáne qaýipsizdigin baǵalaýdy retteıtin zańnamadaǵy birqatar júıelik kemshilikterdi anyqtaǵanyn esterińizge sala keteıik. Buzýshylyqtardy joıý úshin jol kartasy ázirlenip, bekitildi», - delingen habarlamada.