Dárini shekti baǵadan asyryp satqandarǵa 194 myń teńge aıyppul salynady
«Dáriniń baǵasyn belgilengen shekti baǵasynan asyryp satqany úshin 70 aılyq eseptik kórsetkish nemese 194 460 tg aıyppul túrinde ákimshilik jaýapkershilik qarastyrylǵan. Ókinishke oraı, monıtorıng barysynda barlyq óńirlerde osyndaı faktiler anyqtaldy. Máselen, elordalyq dárihanalarda Amlodımed jáne TsEF-3 preparatynyń baǵasy 3,1 ese asyrylyp satylǵan. Aqtóbe, Almaty jáne Shyǵys Qazaqstan oblystarynda suranysqa ıe preparattardyń baǵasy shekti qunynan 2 eseden astam joǵary», - dedi ol agenttiktiń baspasóz qyzmeti alańynda ótken brıfıng barsynda.
Onyń atap ótýinshe, anyqtalǵan kemshilikter boıynsha Ákimshilik quqyq buzý kodeksiniń 426-baby boıynsha 21 ákimshilik hattama toltyrylyp, barlyq tártip buzýshylar aıyppul túrindegi jaýapkershilikke tartyldy.
«Taýarlar men qyzmetterdiń sapasy men qaýipsizdigin baqylaý komıtetiniń málimeti boıynsha búkil el boıynsha 65 hattama túzildi», - dedi departament basshysy.