Dárilik zattardy satyp alýda 15 mlrd teńgeden astam qarjy únemdelgen
Únemdelgen 15 mlrd teńge qosymsha dárilerdi satyp alýǵa jumsalady, bul naýqastardy tegin dári-dármekpen kóbirek qamtamasyz etýge múmkindik beredi.
«SQ-Farmatsııa» Basqarmasy tóraǵasynyń mindetin atqarýshy Sharııa Ismuhanovanyń aıtýynsha, mundaı únemdeýge satyp alýdy ortalyqtandyrý jáne barlyq aımaqtardyń qajettilik kólemin shoǵyrlandyrý arqyly qol jetkizilip otyr. ««Kóterme baǵamen arzanraq» qaǵıdaty dári-dármekpen qamtamasyz etýde de jumys isteıdi». Ónim berýshiler búkil respýblıkaǵa arnalǵan kólemdi ortalyqtandyrylǵan túrde satyp alý kezinde, baǵany aıtarlyqtaı tómendetedi.
Budan basqa, Biryńǵaı dıstrıbıýtorda baǵany tómendetýdiń tıimdi tetikteri bar. Mysaly, zaýyttardan deldalsyz 90-ǵa jýyq balamasy joq preparatty, taǵy 15-in halyqaralyq uıymdar arqyly satyp alamyz. Degenmen, baǵany barynsha tómendetýge dári-dármekti eki kezeńdik satyp alý sheńberinde júzege asyrylatyn baǵany tómendetý aýktsıony arqasynda qol jetkizilip otyr», - dep atap ótti Biryńǵaı dıstrıbıýtor basshysy.
Eń kólemdi únemdeýge endokrındik júıe aýrýlaryn emdeýge arnalǵan dári-dármekterdi satyp alý kezinde qol jetkizildi, bul - 3,7 mlrd teńge. 2,4 mıllıard teńge qan, qan túzýshi aǵzalar aýrýlary men ımmýndyq aqaýdy emdeýge arnalǵan dári-dármekterdi satyp alý kezinde únemdeldi. Taǵy qan aınalymy júıesiniń aýrýlaryn emdeýge arnalǵan dári-dármekterdi satyp alý kezinde 2,1 mlrd teńge únemdeldi.
Dári-dármekterdi ortalyqtandyrylǵan satyp alýdyń eń basym artyqshylyǵy OQO-da boldy, onda dárilerdi satyp alý kezinde shamamen 2 mlrd teńge únemdeldi. Shyǵys Qazaqstan oblysynda 1,8 mlrd teńge, al Almaty men Qaraǵandy oblystarynda 1,6 jáne 1,4 mlrd teńge únemdelgen.