Dárigerlerge Pfizer vaktsınasy salynýy múmkin – Densaýlyq mınıstrligi
«Búgingi tańda bizde Pfizer vaktsınasynyń 2 mıllıon 400 myń dozasy bar. Byltyrǵy kelisim boıynsha 4 mln doza jetkizý kerek. ıAǵnı taǵy 600 myń doza jetkiziledi. Sonda respýblıka aýmaǵynda Pfizer vaktsınasynyń 3 mln dozasy bolady degen sóz. Búgingi tańda Comirnaty Pfizer vaktsınasy 12-18 jas aralyǵyndaǵy jasóspirimderge, júkti, bala emizetin áıelderge salynyp jatyr. Júkti áıelderdiń revaktsınatsııasyna osy vaktsına qoldanylady. Keshe Bas sanıtar dárigerdiń qaýlysy qabyldandy. Ol 60 jastan asqan adamdardy qaıta vaktsınalaý úshin Comirnaty Pfizer vaktsınasyn paıdalanýǵa múmkindik beredi. Óıtkeni bul eń osal top jáne qosalqy aýrýlar bolǵan kezde jasyna qaraı aýyr syrqattardy týdyrýy múmkin», - dep túsindirdi Aıjan Esmaǵambetova.
Sondaı-aq, ol Pfizer preparatymen revaktsınatsııalaý aýrýmen kúrestiń aldyńǵy shebinde júrgen jáne kún saıyn koronavırýspen aýyrǵandarmen betpe-bet jumys isteıtin medıtsına qyzmetkerleri saldyrýy múmkin ekenin atady.
Sondaı-aq ol eldegi vaktsınanyń qory engiziletin shekteýlerge áser etpeıtinin aıtty.
«Pfizer vaktsınasynyń bolýy el boıynsha shekteýler engizýge áser etpeıdi. Biz barlyq qoljetimdi vaktsınalarmen halyqty vaktsınalaýdy jáne qaıta vaktsınatsııalaýdy jalǵastyra beremiz. Qandaı da bir shekteýlerdi engizýge, birinshi kezekte, densaýlyq saqtaý júıesindegi júkteme áser etedi. Al júktemeni azaıtý úshin alys-beris, pen barys-kelisti azaıtý, ujymdardy oqshaýlaý, ıaǵnı vırýstyń halyq arasynda taralýyn azaıtýǵa baǵyttalǵan shekteýler engiziledi. Densaýlyq saqtaý júıesiniń múmkindikteri sheksiz emes ekenin bárimizdiń túsinýimiz kerek», - dep túsindirdi Aıjan Esmaǵambetova.