Dárigerler kómir shahtasynda jaraqat alǵan kenshilerdiń qal-jaǵdaıy týraly aıtty

ShAHTINSK. QazAqparat - Lenın atyndaǵy shahtadaǵy apat saldarynan kenshiler ýlanyp, túrli jaraqat aldy. Bul týraly Qaraǵandy oblysynyń Densaýlyq saqtaý basqarmasynan habarlady, dep habarlaıdy QazAqparat tilshisi.

Lenın atyndaǵy shahtada bolǵan apattan keıin Shahtınsk qalasynyń ortalyq aýrýhanasyna 4 zardap shekken kenshi jetkizildi. Aldyn ala dıagnoz – metanmen ýlaný.

«Zardap shekkenderdiń ekeýi H.J. Maqajanov atyndaǵy kópsalaly aýrýhananyń toksıkologııalyq bólimshesine aýystyryldy. Ýlanýdan basqa ártúrli dárejedegi jaraqat alǵan taǵy eki adam Shahtınsk qalasynda. Konsılıým ótkizý úshin sanavıatsııamen quramynda 2 neırohırýrg jáne 2 reanımatolog bar Maqajanov atyndaǵy kópsalaly aýrýhana mamandarynan quralǵan brıgada kelip jetti», - dep habarlady Qaraǵandy oblysynyń Densaýlyq saqtaý basqarmasy.

Esterińizge sala keteıik, búgin túnde shahtada. «ArselorMıttal Temirtaý» AQ shahtasynda 4 kenshi qaza tapty.

TJ faktisi boıynsha QR QK 277-babynyń 3-bóligi «Taý-ken nemese qurylys jumystaryn júrgizý kezinde qaýipsizdik erejelerin buzý» boıynsha qylmystyq is qozǵaldy.