Dárigerler EKSPO-ny nasıhattaý maqsatynda spartakıada uıymdastyrdy

QYZYLORDA. QazAqparat-Qazaly aýdanynda «EKSPO-2017» halyqaralyq mamandandyrylǵan kórmesin nasıhattaý maqsatynda Medıtsına qyzmetkerleri kúni merekesine oraı sporttyq oıyn túrlerinen spartakıada ótti, dep habarlady QazAqparat tilshisi aýdandyq ákimdikke silteme jasap.

Spartakıadanyń ashylý saltanatyna qatysqan aýdan ákiminiń orynbasary S.Babanaev EKSPO kórmesiniń mańyzdylyǵyna toqtala kele, spartakıadaǵa qatysýshy aq halattylarǵa sáttilik tiledi.

Spartakıadaǵa ortalyq aýrýhanada, ortalyq emhanada, Qazaly qalasynyń emdeý mekemelerinde, «Jetes bı» men «Bolat joly» emhanalarynda, perzenthana men aýyldyq emhanalarda eńbek etetin medıtsına qyzmetkerleri barlyǵy 7 komanda bolyp jarysty. Olardyń  arasynda tájirıbeli hırýrgtar, jas mamandar men bas dárigerler de bar. Eki kúnge sozylǵan jarysta dárigerler qaýymy arqan tartý, doıby, qol kúresi, voleıbol, júgirý, estafetalyq jarys, shaǵyn fýtboldan synǵa tústi.

Joǵary deńgeıde ótken saıys qorytyndysynda jalpy komandalyq esepte aýdandyq aýrýhana ujymy jeńimpaz atandy. Ekinshi oryndy Qazaly qalasynyń emdeý mekemelerinen quralǵan komanda ıelense, aýdandyq emhana ujymy úshinshi orynǵa turaqtady.

Barlyq jeńimpaz komandalarǵa dıplomdar men  arnaıy kýboktar tabystaldy.