Dárigerler «baraholka» mańynda júk kóligi qaǵyp ketken jasóspirimniń jaǵdaıyn aıtty

ALMATY. QazAqparat - Dárigerler Almatyda júk kóligi qaǵyp ketken jasóspirim qyzdyń jaǵdaıyn aıtty, dep habarlaıdy QazAqparat tilshisi.

Almaty qalalyq densaýlyq saqtaý basqarmasynyń málimetinshe, 15 jastaǵy qyz Balalar shuǵyl medıtsınalyq kómek kórsetý ortalyǵyna jedel túrde jetkizildi. Qabyldaý bóliminde klınıkalyq-zerthanalyq zertteýler men mamandardyń konsýltatsııasy júrgizildi.

«Dárigerler oǵan jabyq bas súıek-mı jaraqaty, mıdyń shaıqalýy, jumsaq tinderdiń jaraqaty, sol jaq samaı-jelke aımaǵynyń teri asty gematomasy jáne aıaq-qol jaraqattary dıagnozyn qoıdy», - dep habarlady densaýlyq saqtaý basqarmasynan.

Naýqas ortalyqtyń neırohırýrgııa bóliminde em alyp jatyr.

Buǵan deıin habarlaǵanymyzdaı, bala-shaǵasymen joldan júgirip ótpek bolǵan otbasynyń bir múshesi apatqa ushyraǵan edi.