Dárigerdiń qabyldaýyn aılap-aptalap kútýge týra kelgende ne isteý kerek
2023 jyldyń І toqsanynda CRM júıege Astana qalasy boıynsha 1424 ótinish tústi, olardyń ishindi 971-i – shaǵymdar.
Shaǵymdardyń 27,7% astamy – konsýltatsııalyq-dıagnostıkalyq qyzmetterdi (beıindi salalyq mamandardy, dıagnostıkalyq qyzmetterdi) uzaq kútý boıynsha.
Kelip túsken aryz-shaǵymdardy saralaı kele, elordada maman jetkiliksizdiginen beıindi salalyq dárigerlerdi uzaq kútetini belgili boldy.
Bul jerde aıta ketetin jaıt, alǵashqy medıtsınalyq-sanıtarlyq kómek kórsetetin jańadan qosylǵan qyzmet jetkizýshilerdiń ózderiniń mamandary joq, sondyqtan «beıindi salalyq» dáriger qabyldaýyn birneshe apta kútýge týra keledi.
Saralaǵan taldaý kórsetkendeı, shaǵymdardyń 27,7%-dan astamy «dárigerdiń qabyldaýyn uzaq kútýge» qatysty.
Ótinish túskennen keıin Áleýmettik medıtsınalyq saqtandyrý qory fılıalynyń mamandary medıtsınalyq uıymǵa habarlasyp, medıtsınalyq qyzmettiń qoljetimdiligin tekseredi, eger patsıentter qandaı da bir sebeptermen ony almasa, uzaq kútýdiń sebebin anyqtaıdy.
Barlyq ótinishter tirkeý nómirin berý arqyly tizilimge engiziledi, sonyń arqasynda ótinishtiń qaralý barysy baqylaýda bolady.
Kez kelgen konsýltatsııalyq-dıagnostıkalyq qyzmetti patsıentke emdeýshi dáriger taǵaıyndaıdy. Ol naýqastyń jaǵdaıyn, shaǵymdaryn, aýrýdyń belgilerin zerdeleıdi.
Tıisti kórsetilimder bolsa dáriger KT, MRT nemese basqa da zertteý júrgizýge joldama jazady. Bul qyzmetterdi MÁMS júıesinde alý úshin patsıent «Saqtandyrylǵan» mártebesine ıe bolýy tıis.
TMKKK sheńberinde jáne MÁMS júıesinde qyzmet kórsetetin medıtsınalyq uıym Áleýmettik medıtsınalyq saqtandyrý qorymen tıisti shart jasasady jáne shart boıynsha patsıentterge osy qyzmetterdi usyný mindettemelerin oryndaýǵa tıis.
«Qor turǵyndarmen keri baılanys ornatyp, turaqty túrde jumys júrgizedi. 2023 jyldyń І toqsanynda CRM júıege Astana qalasy boıynsha 1424 ótinish tústi, olardyń ishindi 971-i – shaǵymdar. Shaǵymdardyń 27,7% astamy – konsýltatsııalyq-dıagnostıkalyq qyzmetterdi (beıindi salalyq mamandardy, dıagnostıkalyq qyzmetterdi) uzaq kútý boıynsha: mysaly, beıindi mamandarǵa, dıagnostıkalyq qyzmetterge jete almaý nemese olardy uzaq kútý, sol sekildi ýchaskelik qyzmetterdi (jalpy praktıka dárigeri, terapevt-dáriger, pedıatr-dáriger), jedel medıtsınalyq kómek brıgadasyn uzaq kútý, t.b. Azamattardan «emhana kórsetilimder bolsa da, ótkizý múmkindiginiń joqtyǵyna silteme jasaı otyryp, konsýltatsııalyq-dıagnostıkalyq qyzmetke jiberýden bas tartady» degen ótinishterdi jıi alamyz. Mundaı jaǵdaıda, qyzmet jetkizýshi Qor bazasynda turatyn medıtsınalyq uıymdar qatarynan birlesip oryndaýshyny tartýǵa mindetti. Eger birlesip oryndaý sharty eshkimmen jasalmasa, onda patsıentti osy qyzmet túri boıynsha Qormen kelisimshartqa otyrǵan medıtsına uıymdarynyń birine jiberýge tıis, joldama boıynsha kórsetilgen qyzmet qorytyndylary negizinde shart avtomatty túrde jasalady», - dep túsindirdi Áleýmettik medıtsınalyq saqtandyrý qorynyń elorda fılıalynyń aqparattandyrý bóliminiń bas sarapshysy J.Úmbetova.
Alaıda, patsıent óz emhanasyna barmaı, basqa medıtsınalyq ortalyqtarǵa tikeleı baryp, konsýltatsııalyq-dıagnostıkalyq qyzmetti aqyly alatyn jaǵdaılar da kezdesedi.
«Keıde biz áleýmettik jelilerden patsıentke joldama berilmegeni jáne olar aqyly túrde qyzmet (mysaly, KT) alǵany týraly shaǵymdardy kóremiz. Mundaı jaǵdaılarda patsıenttiń quqyǵyn qorǵaýshy retinde Qor iske qosylady. Biraq, keıde, tekserý nátıjesinde patsıent tipti óz emhanasyna júginbegen, biraq dereý basqa jerde aqyly tekserýden ótýge sheshim qabyldaǵany anyqtalyp jatady. Sondyqtan, azamattardy TMKKK sheńberinde jáne MÁMS júıesinde medıtsınalyq qyzmetterdi paıdalanýǵa shaqyramyz. Eger problemalar týyndasa, aldymen emhananyń Patsıentti qoldaý qyzmetine habarlasyp, óz quqyqtaryńyzdy qorǵańyzdar», – dep atap ótti J.Úmbetova.
Osy jyly Medıtsınalyq saqtandyrý qory Astana qalasy boıynsha 170 medıtsına mekemesimen jalpy somasy 242,7 mlrd teńgege medıtsınalyq qyzmet kórsetý úshin kelisimshart jasaǵan.
Onyń 121,8 mlrd. teńgesi – MÁMS júıesinde, 120,9 mlrd. teńgesi – TMKKK aıasynda kórsetiletin qyzmetterge tıesili.
Eger sizde konsýltatsııalyq-dıagnostıkalyq qyzmetterdi alýǵa qatysty suraqtar týyndasa nemese olardyń kórsetilýine qol jetkize almasańyz, onda aldymen óz emhanańyzdyń patsıentti qoldaý qyzmetine habarlasýyńyz qajet.
Qazirgi ýaqytta patsıentterdi qoldaý qyzmeti men patsıentter arasynda baılanys nashar deýge bolady. Halyqtyń kópshiligi medıtsınalyq uıymda patsıentterdi qoldaý qyzmeti bar ekenin de bilmeıdi.
Suraqtar týyndaǵan jaǵdaıda, olar patsıent ýaqyt joǵaltpaýy úshin sol jerde, ıaǵnı emhanada aqparat berip, túsindirýdiń ornyna, patsıentterdi ÁMSQ keńsesine jiberedi nemese 1406 baılanys ortalyǵyna habarlasýǵa keńes beredi.
Eger konsýltatsııalyq-dıagnostıkalyq qyzmetterdi nemese basqa da qyzmetterdi uzaq kútip, kómek alý múmkindigi bolmaǵan jaǵdaıda densaýlyq saqtaý basqarmasynan jaǵdaıdy naqtylaı alasyz.
Eger máseleni sol jerde sheshý múmkin bolmasa, onda Áleýmettik medıtsınalyq saqtandyrý qoryna ózińizge yńǵaıly tásilmen, fms.kz resmı saıty, 1406 baılanys ortalyǵy, Qoldau 24/7 mobıldi qosymshasy jáne Telegram-daǵy SaqtandyryBot arnalary arqyly ótinish joldaýǵa bolady.