Dáriger: Antıdenelerge test tapsyrýdyń qajeti joq

ALMATY. QazAqparat – Koronavırýsqa qarsy revaktsınatsııanyń aldynda antıdenege test tapsyrýdyń qajet joq. Bul týraly brıfıng barysynda Almaty qalasy qoǵamdyq densaýlyq basqarmasynyń Ortalyq qalalyq klınıkalyq aýrýhanasy dırektorynyń orynbasary Elvıra Ibragımova aıtty, dep habarlaıdy QazAqparat tilshisi.

Onyń aıtýynsha, revaktsınatsııanyń merzimi kelgende antıdene taldaýynsyz-aq, qaıta ekpe alýǵa bolady.

«Eger adamdar taldaý jasatqysy kelse, oǵan esh qarsylyq joq. Biraq bul vaktsınatsııadan bas tartýǵa sebep bola almaıdy. Sondyqtan bul jerde antıdenelerdiń deńgeıi mańyzdy emes. Vaktsınanyń eki komponentin alyp, ýaqyt óte kele antıdene joq ekenin kórgen azamattarǵa qaıta vaktsına alýdy usynamyz», - dedi spıker.

Buǵan deıin ol mamandar revaktsınatsııa kezinde aldyńǵy eki dozaǵa uqsas vaktsınany saldyrýǵa keńes beretinin aıtqan edi.