Darıǵa Nazarbaeva «Jumyspen qamtýdyń jol kartasy 2020» baǵdarlamasyn júzege asyrý boıynsha keńes ótkizdi
Mundaı shara kúrdeli ekonomıkalyq jaǵdaı kezinde qala quraýshy kásiporyndardyń bilikti baǵaly kadrlaryn saqtaýǵa múmkindik beredi.
Jergilikti atqarýshy organdardyń málimetinshe, osy kezeńdegi mundaı sharalar Almaty qalasyndaǵy, sondaı-aq Shyǵys Qazaqstan, Qaraǵandy, Pavlodar jáne Ońtústik Qazaqstan oblystaryndaǵy segiz kásiporynda qarastyrylǵan. Osy kásiporyndardyń 3,1 myń jumyskeriniń joǵalǵan kiristeriniń úshten eki bóligin sýbsıdııalaýǵa memlekettik baǵdarlama aıasynda 126,7 mln. teńge bólinedi.
Keńes barysynda sondaı-aq jastar arasyndaǵy jumysqa yńǵaılary jáne olardy eńbekpen qamtý talqylandy. JQJK 2020 baǵdarlamasy aıasynda jumyssyz jastar úshin odan ári eńbekpen qamtý mindetinsiz jappaı kompıýterlik saýattylyqty, kásipkerlik negizderin, aǵylshyn tilin oqytýdy engizý usynyldy. Mundaı mashyqtardy ıgerý jumys berýshiler arasynda olardyń tartymdylyǵyn arttyrýǵa septigin tıgizedi.
Osyndaı maqsatpen JQJK 2020 aıasynda alǵashqy eńbekpen qamtý problemasy bar JOO jáne kolledjderdiń túlekterine arnap «jastar is-tájirıbesinen» ótý múmkindikterin keńeıtý usynyldy, ol eńbek ótili bolyp esepteledi.
Budan ózge, keńes barysynda «Jumyspen qamtýdyń jol kartasy 2020» baǵdarlamasy boıynsha mıkrokredıtteý máselelerin pysyqtaý tapsyryldy. Osylaısha, baǵdarlamanyń tıimdiligin arttyrý úshin mal sharýashylyǵy salasynda jeke isin uıymdastyrý jáne keńeıtýge mıkrokredıtteý merzimin 7 jylǵa deıin ulǵaıtý, sondaı-aq mıkronesıe somasyn 16 mln teńgege deıin arttyrý múmkindigi talqylandy.
«Mal sharýashylyǵy, jemshóp bazasy, veterınarııany damytý salalaryndaǵy jobalardyń arasynda qarajatty bólip, fermerlik sharýashylyqtardy mıkrokredıtteýge baǵyttaıtyn qarajatty ártaraptandyrý qajet», - dep atap ótti Darıǵa Nazarbaeva talqylaý barysynda.
Premer-Mınıstrdiń orynbasary barlyq salalyq vedomstvolarǵa Jumyspen qamtýdyń jol kartasyna 2020 odan ári ózgerister engizý úshin keńestiń barlyq máseleleri boıynsha biryńǵaı sheshim jasaýdy tapsyrdy.