Darıǵa Nazarbaeva Erevandaǵy balalar onkologııasy ortalyǵynda boldy

NUR-SULTAN. QazAqparat – Senat tóraǵasy Darıǵa Nazarbaeva Armenııa Respýblıkasyna resmı sapary aıasynda Armenııa premer-mınıstriniń jubaıy Anna Akopıanmen birge Erevandaǵy Balalar onkologııasy jáne gematologııa ortalyǵynda boldy. Bul týraly QazAqparat Senattyń baspasóz qyzmetine silteme jasap habarlaıdy.

Ortalyq 2018 jyldyń shilde aıynda «Shattyq qalasy» qorynyń qoldaýymen qurylǵan bolatyn. Onkologııalyq jáne gematologııalyq aýrýlarmen syrqattanǵan balalar men jastarǵa kómek kórsetetin qordyń Qamqorlyq keńesine Anna Akopıan basshylyq etedi.

Senat basshysy balalarmen jáne olardyń ata-analarymen áńgimelesti, ortalyqtyń jabdyqtaryn kórip, jumys jaǵdaılarymen tanysty.

Qazaqstan Respýblıkasy Parlamenti Senatynyń delegatsııasy sol kúni Erevan memlekettik ýnıversıtetiniń janyndaǵy Qazaq tili, mádenıeti jáne tarıhy ortalyǵynda boldy. Ortalyq 2010 jyly eki memleket arasyndaǵy eki jaqty mádenı-gýmanıtarlyq yntymaqtastyqty damytý, sondaı-aq Qazaqstannyń ulttyq mádenıetin dáripteý maqsatynda ashylǵan bolatyn.

Abaı Qunanbaevtyń 175 jyldyq mereıtoıyna oraı 2020 jyly Ortalyqqa qazaqtyń uly aqynynyń esimin berý josparlanyp otyr.