Darıǵa Nazarbaeva «El qorǵany» medalimen marapattaldy

 ASTANA. QazAqparat - QR Qorǵanys mınıstri Sáken Jasuzaqov QR Parlamenti Senatynyń depýtaty Darıǵa Nazarbaevany «El qorǵany» medalimen marapattady, dep habarlaıdy QazAqparat tilshisi.

 Qorǵanys mınıstrliginiń basshysy D. Nazarbaevaǵa eldiń qorǵanys qabiletine qoldaý bildirip, jastardy áskerı-patrıottyq tárbıeleýge belsendi úles qosqany úshin alǵys aıtty.

 «Joǵary senim bildirgenderińiz úshin rahmet.  Shyn júregimmen jas jaýyngerlerimizdi qoldaımyn. Áskerı-patrıottyq qozǵalystyń elimiz úshin asa mańyzdy dep esepteımin. Sebebi rýhanı tárbıe men Otanǵa degen súıispenshilikti sińirý arqyly jas balalardyń tutas býyny ósip keledi. Olar ómirdiń túrli salalarynda óz oryndaryn tabady. Bireýi kásibı áskerı, bireýi - general, endi biri - joǵary bas qolbasshy bolatyn shyǵar. Nege bolmasqa? Bul jol bárine ashyq", - dedi depýtat áskerı-patrıottyq jumystardy jetildirýge arnalǵan vedomstvoaralyq kezdesýde.

 D.Nazarbaeva dál qazirgi ýaqytta jastarda  Otanǵa degen súıispenshilik týraly negizgi túsiniktiń qalyptasyp kele jatqanyn atap ótti. Kezdesýge kelgen oqýshylarǵa depýtat myqty ári shymyr bolýdy tiledi jáne qaı jerde júrse de, elge qaltqysyz qyzmet etýge shaqyrdy. 

Eske sala ketsek, Qorǵanys mınıstrliginiń úzdik áskerı qyzmetshilerine beriletin "El qorǵany" vedomstvolyq medali bıylǵy naýryz aıynda taǵaıyndalǵan.