Darıǵa Nazarbaeva arnaıy organdardyń bıýdjeti máselesin jabyq tártipte talqylaýdy usyndy

ASTANA. QazAqparat - QR Parlamenti Senatynyń Halyqaralyq qatynastar, qorǵanys jáne qaýipsizdik komıtetiniń tóraıymy Darıǵa Nazarbaeva QR Qorǵanys mınıstrligi men QR UQK bıýdjettik baǵdarlamalaryn jabyq otyrysta talqylaýdy usyndy, dep habarlaıdy QazAqparat.

«Bizdiń Komıtette taǵy bir usynys bar. Atap aıtqanda, Qorǵanys mınıstrliginiń, Ulttyq qaýipsizdik komıtetiniń, syrtqy barlaý qyzmetiniń bıýdjettik baǵdarlamalarynyń tıimdiligin baǵalaý Senat jalpy otyrysyndaǵy talqylaýdan tys qalyp otyr. Al olarǵa tıesili qarjy kólemi qomaqty. Sondyqtan da atalǵan memlekettik organdarmen bıýdjettiń oryndalýy boıynsha  aldaǵy ýaqytta osy memorgandar men Esep komıtetiniń esepterin Senattyń jabyq otyrysynda tyńdaǵan durys bolar edi. Osy oraıda tıisti usynysty engizemiz», - dedi depýtat Darıǵa Nazarbaeva Senattyń jalpy otyrysynda.

Aıta keteıik, búgin Parlament Senatynyń jalpy otyrysynda Úkimettiń jáne Esep komıtetiniń 2017 jylǵy respýblıkalyq bıýdjettiń atqarylýy týraly esepteri qaraldy.