Dári-dármekti satyp alý onlaın rejımde júrgizilmek
«2018 jyly el halqyn dári-dármekpen tegin qamtamasyz etý úshin dárilik zattar men medıtsınalyq maqsattaǵy buıymdardy satyp alý boıynsha ótetin tenderlik rásimderdiń ashyqtyǵyn qamtamasyz etý maqsatynda Biryńǵaı dıstrıbıýter óziniń www.sk-pharmacy.kz saıtynda negizgi tenderlik rásimderdiń onlaın kórsetilimin uıymdastyrady.
Budan basqa, onlaın tártipte tenderlik ótinimderge qosymshalary bar konvertterdi ashý rásimi - 24 qarashada, tenderlik rásimderdiń aqtyq kezeńi aýktsıonǵa jiberilgen áleýetti ótinim berýshilerdiń baǵany tómendetý rásimi - 4 jeltoqsanda ótedi»,- delingen kompanııa taratqan aqparatta.
Sonymen qatar Biryńǵaı dıstrıbıýtordiń Facebook resmı akkaýtynda tenderlik jáne saraptamalyq komıssııa otyrystarynyń kún saıynǵy fotoesebi jarııalanyp otyrady. Tender ótkizilip jatqan zaldaǵy jaǵdaıǵa vıdeo túsirilim jasalady. Ol Biryńǵaı dıstrıbıýtordyń muraǵatynda saqtalady.
«SK-Farmatsııa» JShS basqarma tóraǵasynyń mindetin atqarýshy Ásemgúl Erjanovanyń aıtýynsha, Biryńǵaı dıstrıbıýter saıtynda aǵymdaǵy tenderge arnalǵan arnaıy bólim bar. «Ol jerde naqty ýaqyt tártibinde tolyqtyrýlardy ashý rásimderin jáne aýktsıondy baqylap, tenderlik komıssııanyń barlyq otyrystaryn, ótken sharalardyń beınejazbalaryn qaraýǵa bolady. Bul sharalardyń barlyǵy bizdiń satyp alý rásimderimizdiń barynsha ashyqtyǵyn qamtamasyz etýge baǵyttalǵan. Qyzyǵýshylyq tanytqan barlyq taraptar tenderlik rásimderdi onlaın tártipte qarap, sheshimderdiń qalaı jáne ne sebepti qabyldanyp jatqandyǵyn qadaǵalap, olardyń beıtaraptylyǵyna jáne ádildigine kóz jetkize alady», - dedi ol
Aıta keterligi, jalpy somasy 82,4 mlrd teńgeniń 484 ónimine tender jarııalanǵan.