Dári-dármek ımporty bir jylda 17% ósti

ASTANA. QazAqparat - Osy jyldyń qańtar–qazan aılarynda elimizde dári-dármek óndirisi 112 mlrd teńgeni qurady — bul ótken jylmen salystyrǵanda 13,2%-ǵa az, dep habarlaıdy QazAqparat Energyprom.kz saıtyna silteme jasap.

Óńirlik bóliniste óndiristiń eń kóp kólemi Shymkentke tıesili: 46 mlrd teńge, bir jylda plıýs 10,3%. Jetekshi óńirlerdiń úshtigine Almaty oblysy (31,1 mlrd tg, plıýs jylyna 23,4%) jáne Almaty (16,2 mlrd tg, plıýs 7,7%) kirdi.
Osy jyldyń qańtar-qyrkúıek aılarynyń qorytyndysy boıynsha elge 1 mlrd AQSh dollary somasyna 18,7 myń tonna dári-dármek ákelindi. Zattaı ósim 17,3%, aqshalaı ósim 25,8% qurady.
TMD elderinen 101,3 mln AQSh dollary somasyna 6,2 myń tonna dári-dármek ákelindi.
TMD quramyna kirmeıtin elderden Qazaqstan 900 mln AQSh dollary somasyna 12,5 myń tonna dári-dármek ákeldi. Munda Qytaı QR úshin negizgi jetkizýshi boldy: 2,6 myń tonna dári-dármek - ótken jylmen salystyrǵanda 2,1 ese kóp. Úzdik úshtikke Germanııa men Úndistan da kirdi7