Dári-dármek dıstrıbıýtoryna ústeme baǵa ósedi

ASTANA. QazAqparat – Kepildendirilgen tegin medıtsınalyq kómek jáne mindetti áleýmettik medıtsınalyq saqtandyrý júıeleri aıasynda beriletin dári-dármekke biryńǵaı dıstrıbıýtorlar úshin ústeme baǵany kóterý jaǵy qaralyp jatyr, dep habarlaıdy QazAqparat tilshisi.

«Búgin qarastyrylyp otyrǵan ústeme baǵa jobasy ótken jyldyń qorytyndysy boıynsha shyǵyndarǵa negizdelgen. Shyǵyndardyń basym bóligi logıstıkaǵa tıesili. Bul degenimiz dári-dármekter men medıtsınalyq buıymdardy tasymaldaý, saqtaý jáne tıeý-túsirý jumystary. Joǵaryda aıtylǵan jaıttar dıstrıbıýtordyń dári-dármekterdi satýmen baılanysty shyǵyndarynyń 45%-yn quraıdy. Ústeme baǵany arttyrýdyń taǵy bir faktory – ekonomıkalyq tıimdiliktiń kórsetkishi retinde qyzmet etetin biryńǵaı taratý júıesiniń rentabeldiligi», - dedi SK Farmatsııa JShS baspasóz hatshysy Áıgerim Smaılova.

Onyń aıtýynsha, ústeme baǵa jobasyn ashyq talqylaý biryńǵaı dıstrıbıýtor qyzmeti úshin mańyzdy.

«Dári-dármekpen ýaqtyly men úzdiksiz qamtamasyz etý negizgi strategııalyq mindet. Bizde pandemııa (COVID-19) kezinde tájirıbe bar. ıAǵnı keıbir dári-dármekke suranys artyp ýaqytsha problema týǵyzady. Dári-dármek pen medıtsınalyq buıymdar aýdandardyń aýdan, eldimekenderdiń alystyǵyna qaramastan jyl boıy jetkiziledi», - deıdi ol.

Aıta ketsek, búgin Astanada kepildendirilgen tegin medıtsınalyq kómek jáne mindetti áleýmettik medıtsınalyq saqtandyrý júıeleriniń sheńberinde dárilik zattar men medıtsınalyq buıymdarǵa arnaıy quqyq sýbektisi retinde biryńǵaı dıstrıbıýtordyń ústeme baǵany kóterý jobasyn talqylaý boıynsha ashyq tyńdaý ótti.