Dári-dármek boıynsha monıtorıng toby qandaı problemalarmen betpe-bet keldi
«Problema bar. Keıde uzaq ýaqyt boıy sheshilmegen túıindi másele osyndaı qıyn jaǵdaıda rettelip ketedi. Qazir bizdiń arnaıy monıtorıng tobynyń músheleriniń kúshi dári-dármekke, onyń jetkizilýine, qymbattatyp satylýy máselelerin sheshýge baǵyttalǵan. Máseleniń kóptigi sonshalyq, olar týraly aıtqym da kelmeıdi. Birinshi jaǵdaı - dári-dármektiń dárihanalarǵa jetkizilmeýine baılanysty. Dárihanalarǵa bardyq, bárin tekserdik. Sodan keıin ekinshi qadamǵa baryp, qoımalardy qaradyq. Adamdarmen sóılese bilý kerek, aqparattyq almasý júrgizilýi tıis. Áriptesterimizben osy taqyrypta uzaq áńgimelestik. Dári-dármekti satyp alý týraly ótinishter «SK-Farmatsııaǵa» túsip jatqan. Basqa másele: bul ótinimder boıynsha jumys qalaı júrgizilgen? Nelikten ótinimdi «SK-Farmatsııa» alǵan da, úsh aıdan keıin ǵana másele pysyqtalǵan? Dárihanaǵa dári-dármek alýǵa kelgen adamdy ótinishtiń qashan berilgeni qyzyqtyrmaıdy. Ol úshin eń bastysy - dári-dármek alý. Keı farmatsevtıkalyq dárihanalar azamattardyń bul oıymen kelispedi. Tipti keı jaǵdaıda biz kelgende olar dárihanalarǵa kirgizbedi de. Bári bizdi janjal shyǵarǵysy keletinder retinde kórdi. Alaıda bul - is júzinde olaı emes. Qazir Almatyda dári-dármekti turaqtandyrý qoryn qurý úshin 5 mıllıard teńge qajet. Sondyqtan tapshylyq azdap sezilmeıdi», - dedi Rafael Gasanov.
Áńgime barysynda ol shet qalmaǵan volonterlerge alǵysyn aıtty.
«Grant alǵanymen, kómekke qulaq aspaǵan medıtsınalyq ýnıversıtetter bar. Olardy osy granttardan aıyrý kerek dep oılaımyz. Men tipti S.D. Asfendııarov atyndaǵy Qazaq ulttyq medıtsınalyq ýnıversıtetiniń rektoryn da bilmeımin. Biraq men osy ýnıversıtettiń stýdentterin jaqsy bilemin. Olar kómektesýge erikti retinde keldi. Keıbireýi - bizdiń baqylaý tobymyzdyń músheleri. Olar barynsha tyrysyp jatyr. Biz Almaty ákiminiń orynbasarlarynan osy eriktilerdi múmkindiginshe qorǵaýdy suradyq, óıtkeni olar dárigerler men polıtseılermen bir maıdanda júr», - dedi spıker.