Darhan Jazyqbaı memlekettik qyzmet salasynda júzege asyrylatyn jańalyqtardy aıtty
— Búgingi is-sharamyz memlekettik organdardyń ashyqtyǵyn qamtamasyz etý úshin uıymdastyryldy. Bul boıynsha Memleket basshysynyń «memlekettik organdar qoǵamǵa, buqaralyq aqparat quraldaryna, mass-medıaǵa ashyq bolýy kerek» degen tikeleı tapsyrmasy da bar. Sol sebepti búgin BAQ ókilderin jınap, agenttiktiń atqarylǵan jáne alda atqarylatyn jumystarymen tanystyryp otyrmyz. Aldaǵy ýaqytta da bul is-sharany jalǵastyramyz. Negizgi maqsatymyz — memlekettik qyzmetke kelýdiń ashyqtyǵyn qamtamasyz etý, ony tolyqqady tsıfrlandyrý jáne HR zamanaýı quraldarynyń memlekettik organdardaǵy jumysyn odan ary jandandyrý, sonymen qatar qashyqtan tereńirek monıtorıng jasaý arqyly kedergi keltiretin normatıvtik-quqyqtardyń ishindegi normalardy nemese artyq qujattardy taldap, olarǵa ózgeris engizip otyrý, — dedi agenttik tóraǵasy BAQ ókilderine.
Sonymen qatar ol agenttik 2026 jylǵa deıin memlekettik qyzmet salasynda júzege asyrýdy kózdep otyrǵan úsh jańalyqqa toqtaldy.
— Alda júzege asyrylatyn 3 jańalyǵymyzdyń biri — tsıfrlandyrý. ıAǵnı, memlekettik qyzmetke onlaın qabyldaý. Ony kelesi jyly aıaqtaımyz. Ekinshi — «Memlekettik qyzmet týraly» jańa zańdy qoǵamnyń talqylaýyna shyǵaryp, Parlament qaraýyna engizý. Úshinshi maqsatymyz — sheteldik áriptesterimizben qarym-qatynasty jandandyrý jáne adamı resýrstardy damytý boıynsha jańa tásilderdi Memlekettik basqarý akademııasyna engizý. Osy úsh baǵytta negizgi jumysymyzdy isteımiz», — dedi Darhan Jazyqbaı.
Baspasóz týry barysynda memlekettik qyzmetke onlaın irikteýdi júrgizýge múmkindik beretin «eQyzmet» syrtqy portalynyń jumysy tanystyryldy. Sondaı-aq atalǵan júıede memlekettik qyzmetshilerdiń úlken derekter bazasy shoǵyrlanǵan, al tsıfrlyq tehnologııalardy qoldaný berilgen parametrler boıynsha (bilim, daǵdylar, quzyretter jáne ózge de derekter) qatardaǵy memlekettik qyzmetshiler arasynda qandaı da bir laýazymǵa neǵurlym cáıkes keletin kandıdattardy tańdaýǵa múmkindik beredi.
Іs-sharaǵa qatysýshylar memlekettik qyzmetshilerdiń kommýnıkatıvtik daǵdylaryn jetildirýge arnalǵan medıa-ortalyq, Agenttik pen Prezıdent janyndaǵy Memlekettik basqarý akademııasynyń tarıhı murajaıy, tsıfrlyq kovorkıng-zaly, kitaphana jumysymen tanysty. Sonymen qatar, «Jańa formatsııa basshysy» memlekettik saıası qyzmetshilerge arnalǵan kýrstarda oqýdyń qalaı ótkiziletindigin kórdi. Jańa formatsııa basshylary úshin ádildik, ashyqtyq, memleketshildik jáne halyqqa adal qyzmet etý qaǵıdattaryn saqtaýdyń mańyzdylyǵyna basymdylyq beriledi. Qaıta daıarlaý baǵdarlamasyn iske asyrý jahandyq paıymdaý, strategııalyq oılaý jáne kóshbasshylyq syndy quzyretterdi qalyptastyrýǵa jáne damytýǵa baǵyttalǵan.