Darhan Satybaldy Túrkistan ákimdiginiń aınalasyndaǵy daýǵa túsinik berdi

<p>Túrkistan oblysynyń ákimi Darhan Satybaldy Ortalyq kommýnıkatsııalar qyzmetinde ótken brıfıngide elektrokar jaldaý aqysyn óz shotyna aýdartqyzdy dep aıyptalǵan ákimdik qyzmetkerleri týraly pikir bildirdi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Elektrokar jaldaý aqysy Túrkistan ákiminiń kómekshisi men apparat basshysynyń Kaspi-shotyna aýdarylǵany týraly málimet tarap jatyr. Sybaılas jemqorlyqqa qarsy kúres qyzmetine osy týraly aryz túsirgen adamdar qysym kórgenderin aıtty. Qazir qala ákimi qyzmetinde me? Mynandaı shý kezinde ony qyzmetten shettettińizder me nemese shettetesizder me?» – dep surady jýrnalıst.

Aımaq basshysy bul máselemen qazir quzyrly organdar aınalysyp jatqanyn aıtty.

«Bul jerde ony jazyp, aıtyp otyrǵandar bar. Ákimshilikte isteıtin azamattardyń da quqyqtary bar ǵoı. Men eki jaqtan da qaraýym kerek. Bul jerde qandaı da bir másele bolsa, óziniń tıisti organdary bar. Birinshi kezekte biz onyń (elektrokar kólikteri – red.) tıimdi qoldanyldy ma, tıimdi jumys istedi me, sony teksertemiz. Quzyrly organdardan ol týraly suradym. Aıtýlarynsha, qylmystyq is qozǵaldy, tekserý bitken soń nátıjesi jarııalanady», – dedi ákim.

Darhan Satybaldy Túrkistan qalasynyń ákimi Nurbol Turashbekov talaıdan beri qalany basqaryp kele jatqanyn eske saldy.

«Ol ákim qazir qyzmette. Ol kisi men kelgen kezde istep jatqan», – dedi óńir basshysy.