Darhan Myńbaı: Saılaý - Táýelsizdigimizdegi mańyzdy kezeń
«Qazir biz tarıhı kezeńdi bastan ótkerip jatyrmyz. Bul saılaý bizdiń Táýelsizdigimizdegi mańyzdy kezeń. Óıtkeni osyndaı bılik tranzıtin júzege asyrýdyń qadamy júrdi. Bul turǵyda biz Prezıdentimizdi saılap alyp, tas-túıin bekinip, ary qaraı ózimizdiń qazaqstandyq jolymyzdy jalǵastyramyz dep oılaımyn», - dedi Darhan Myńbaı Májilistiń jalpy otyrysynan keıin.
Aıta keteıik, keshe Memleket basshysy Qasym-Jomart Toqaev otandyq telearnalar arqyly Qazaqstan halqyna úndeý arnap, onda elimizdiń Konstıtýtsııasyna sáıkes Qazaqstan Respýblıkasy Prezıdentiniń kezekten tys saılaýyn 2019 jyldyń 9 maýsymynda ótkizý týraly sheshim qabyldaǵanyn jarııalaǵan bolatyn.
«Qazaqstan - demokratııalyq memleket. Prezıdent halyqtyń tańdaýymen saılanady. Men, Memleket basshysy retinde saılaýdyń taza, ashyq ári ádil ótýine kepildik beremin! Bul - meniń berik ustanymym! Aldymyzda zor mindetter tur. Men halqymyzǵa, ıaǵnı Sizderge senemin», - degen edi Q.Toqaev.