Darhan Qydyráli Osh memlekettik ýnıversıtetiniń qurmetti professory atandy

  OSh. QazAqparat - Qyrǵyzstannyń Osh qalasynda ótip jatqan ІІ qazaq-qyrǵyz zııalylar forýmynda Halyqaralyq Túrki akademııasynyń  prezıdenti Darhan Qydyráli men  akademııanyń aǵa sarapshysy Qadyraly Qonqobaevqa Osh memlekettik ýnıversıtetiniń  Qurmetti professory  ataǵy berildi. Bul týraly akademııanyń baspasóz qyzmetine silteme jasap QazAqparat habarlaıdy.

Osh memlekettik ýnıversıtetiniń rektory Qanybek Isakov Akademııa ǵalymdaryna Qurmetti professor ataǵy berilgendigi týraly ýnıversıtet  ǵylymı keńesiniń sheshimin kópshiliktiń aldynda  oqyp berdi. Sonymen qatar, TWESCO-nyń  baýyrlas  halyqtardyń yntymaqtastyǵy men ǵylymı  ıntegratsııany  tereńdetýge aıyryqsha úles  qosyp otyrǵanyn atap ótti. Sondaı-aq, belgili túrkolog Qadyraly Qonqobaevty 70 jasqa tolǵan mereıtoıymen quttyqtady. Óz kezeginde TWESCO prezıdentiniń keńesshisi Erjan Isaqulov mereıtoı ıesiniń ıyǵyna akademııa atynan shapan jaýyp, syı-sııapat jasady.