Darhan Qydyráli «Egemen Qazaqstan» gazetiniń jańa basqarma tóraǵasy qyzmetine taǵaıyndaldy

ASTANA. QazAqparat - «Egemen Qazaqstan» gazetiniń basshylyǵyna belgili ǵalym, pýblıtsıst, tarıh ǵylymdarynyń doktory Darhan Qydyráli taǵaıyndaldy. Bul týraly QR Aqparat jáne kommýnıkatsııalar mınıstri Dáýren Abaev Feısbýktegi paraqshasynda jazdy.

«Egemen Qazaqstan» gazetiniń ujymyna jańa basqarma tóraǵasyn tanystyrdym. Bas gazettiń basshylyǵyna belgili ǵalym, pýblıtsıst, tarıh ǵylymdarynyń doktory Darhan Qydyráli taǵaıyndaldy. Búgingi kúnge deıin onyń Halyqaralyq Túrki akademııasyn basqaryp kelgenin bilesizder. Burynǵy basshy Erkin Qydyrǵa gazettiń jáne jalpy otandyq baspasózdiń damýyna qosqan úlesi úshin alǵys bildiremin. D.Qydyráli ǵasyrlyq tarıhy bar «Egemenniń» eldigimizdi nyǵaıtý jolyndaǵy isterin odan ári jalǵastyryp, gazetti jańa deńgeıge kóteredi dep senemin»,-  dep jazdy mınıstr.