Darhan Qydyráli mekteptegi Qazaqstan tarıhy oqýlyǵyn qaıta jazyp shyǵýdy usyndy

<p>Senat depýtaty Darhan Qydyráli mektep oqytylatyn Qazaqstan tarıhy oqýlyǵyn jańa kóptomdyq negizinde jazyp shyǵýdy usyndy, dep habarlaıdy <a href="Kazinform." target="_blank" rel="noopener">Kazinform.</a></p>

Senator depýtattyq saýalynda bıyl Qazaqstan tarıhynyń kóptomdyǵyn ázirleý jumystary aıaqtalatynyn eske saldy. 

«Mektep oqýlyqtary osy kóptomdyq negizinde qaıta jazylǵany abzal. Onda Joshynyń qazaq handarynyń atasy ekeni basa aıtylýy tıis. Sonymen qatar oqýlyqtarǵa qazaq memlekettiginiń bastaýlary týraly da sony derekter engizý kerek. Máselen 6-7 synypqa arnalǵan oqýlyqta Moǵolstan memleketine 1 paragraf, 10-synypqa arnalǵan oqýlyqta 4-5 jol ǵana arnalǵan. Al osy Moǵolstan jerinde Shý boıynda Qazaq handyǵynyń negizi qalanǵany belgili», - dedi Darhan Qydyráli.

Onyń paıymynsha, joǵary oqý oryndarynyń baǵdarlamalaryna Qazaqstan tarıhynyń keıingi nusqasyn engizý mańyzdy. 

«Joshy ulysyna arnalǵan irgeli zertteýler júrgizý, arnaıy mýzeı jasaqtaý, Edige baıqaýyn ótkizý, Ulytaýdaǵy eskertkish keshenderdi ıÝNESKO materıaldyq muralar tizimine engizý de ózekti. Elimizde ótetin Dúnıejúzilik kóshpendiler oıyny Joshyny nasıhattaý úshin úlken múmkindik. Sondyqtan olarǵa aqparattyq qoldaý kórsetý, tanymdyq derekti jáne kórkem fılmder men balalarǵa arnalǵan mýltfılmder usyný da mańyzdy», - dedi senator.