Darhan Káletaev: Jastar jylyn ótkizýde sán-saltanatty sharalardan bas tartamyz

ASTANA. QazAqparat - Qazaqstanda kelesi jylǵy Jastar jylyna arnalǵan arnaıy jol kartasy ázirlenip, aıtýly jyldy atap ótýdiń baǵyttary aıqyndaldy. Jol kartasynyń naqty osy baǵyttary týraly Astanada ótip jatqan «Nur Otan» partııasy bastaýysh uıymdarynyń respýblıkalyq forýmynda Qoǵamdyq damý mınıstri Darhan Káletaev málim etti, dep habarlaıdy QazAqparat tilshisi.

«Qazirgi tańda atalmysh bastamany júzege asyrý boıynsha Jol kartasy ázirlenip qoıdy. Jastar jyly biz úshin óte mańyzdy ári basymdyqqa ıe ekenin erekshe atap ótý kerek. Naqty mindetter de belgilendi. ıAǵnı, biz aýqymdy ári syrttaı sán-saltanatty sharalardan bas tartyp, Jastar jylyn - barlyq memlekettik baǵdarlamalar boıynsha týra qaǵıdat negizinde jastar ındıkatoryn engizgimiz keledi. Bul negizgi mindet - Úkimet iske asyryp jatqan barlyq memlekettik baǵlarlama boıynsha bir jyldyń ishinde jastar ındıktoryn anyqtaý kerek», - dedi Darhan Káletaev.

Mınıstrdiń aıtýynsha,  jol kartasy aıasynda jumystyń negizgi baǵyttary da aıqyndalyp qoıǵan.

«Kelesi jyly iske asyrǵymyz keletin 11 baǵytty aıqyndap aldyq. Birinshisi - jastar ınfraqurylymyn damytý, sodan keıingi rette bilim, jumyspen qamtý, densaýlyq, qojetimdi baspana, kásipkerlikti damytý, qarjylyq saýattylyqty arttyrý, quqyqtyq mádenıet, jemqorlyqqa tózimsizdikti arttyrý, patrıotızmdi kúsheıtý, daryndy jastardy qoldaý, jastardan qurylǵan úkimettik emes uıymdardy damytý jáne memlekettik jastar saıasatyn aqparatttyq turǵyda qamtamasyz etý jumystaryna mańyz beriledi. Mine, biz aıqyndap alǵan 11 baǵyt - osy», - dedi Darhan Káletaev.

Eske sala ketsek, elordadaǵy Kongress-ortalyqta «Nur Otan» partııasy bastaýysh uıymdarynyń respýblıkalyq forýmy ótip jatyr.

Forýmda Darhan Káletaev «Rýhanı jańǵyrý» baǵdarlamasy aıasynda bekitilgen alty baǵytqa taǵy bir tyń baǵyt qosylatynyn málim etken edi.