Darhan Káletaev barlyq aımaqtarda jastar jáne otbasy isteri basqarmasyn qurýdy usyndy
«Bıyl shildede Qoǵamdyq damý mınıstrligi quryldy. Onyń quramynda Jastar jáne otbasy isteri komıteti ashyldy. Osylaısha, búginde jastar salasynda protsesterdi basqarýdyń belgili bir júıesi qalyptasty», - dedi D.Káletaev.
Vedomstvo basshysy atap ótkendeı, júıeli sharalardyń arqasynda Qazaqstan 2017 jyly jastar progresiniń kórsetkishi boıynsha Reseı, Úndistan jáne Indonezııany basyp ozyp, 102 memlekettiń ishinde 63-shi orynǵa ıe boldy.
«Alaıda bári sondaı durys emes, aldyn ala málimet boıynsha, bıylǵy jyldyń jeltoqsan aıynda jastar máselelerin ishki saıasat basqarmasyna tapsyrý usynylyp otyrǵan Aqmola jáne Almaty oblystarynyń jastar saıasaty máselelerin basqarýdy ońtaılandyrý josparlanyp otyr.
Budan basqa, onyń aıtýynsha, aımaqtarda jastardyń resýrstyq ortalyqtary úshin ǵımarattar máselesin sheshý qajet, «olardyń ákimdikterde nemese basqa resmı organdarda ornalasýy durys emes».
Sondaı-aq D.Káletaev óziniń baıandamasynda jastar saıasatyn qarjylandyrý barlyq deńgeıde ósirilgenin habarlady.
«2018 jyly aımaqtarda qarjylandyrýdyń jalpy kólemi 7,45 mlrd teńgeni quraǵan, ósim shamamen 1 mlrd teńgeni quraǵan. Respýblıkalyq deńgeıde aǵymdaǵy jyly qarjylandyrýdyń kólemi 401 mln teńgeni quraǵan, bul ótken jylmen salystyrǵanda 273 mln teńgege ósti. Biz Jastar jylyn ótkizý aıasynda barlyq deńgeıdegi jastar saıasatyna bıýdjettiń ósiriletinin kútip otyrmyz», - dep túıindedi mınıstr.