Darhan Káletaev AQSh Kongresi múshelerimen kezdesti

ASTANA. QazAqparat - Qazaqstan Respýblıkasynyń Qoǵamdyq damý mınıstri Darhan Káletaev issaparmen AQSh-qa bardy. Bul týraly QazAqparat mınıstrliktiń baspasóz qyzmetine silteme jasap habarlaıdy.

Vashıngtonda jáne Nıý-Iorkte AQSh Kongresi múshelerimen, AQSh Memlekettik departamentiniń resmı ókilderimen, sondaı-aq, AQSh-tyń Halyqaralyq din bostandyǵy jónindegi komıssııasynyń jáne Eýropadaǵy qaýipsizdik jáne yntymaqtastyq jónindegi Helsınkı komıssııasynyń jetekshilerimen birqatar kezdesýler ótkizdi. Kezdesý barysynda Qazaqstan Respýblıkasyndaǵy dinı ahýaldyń damýy jóninde jan-jaqty pikir almasý ótti. Kezdesý qatysýshylary pikir almasý nátıjelerine qanaǵattanatynyn bildirdi.

Nıý-Iorkte D.Káletaev BUU janyndaǵy Dinı úkimettik emes uıymdar komıtetiniń tóraǵasy S.Parameshanandamen jáne «Dinder beıbitshilik úshin» álemdik konferentsııasynyń Bas hatshysy Ý.Vendlımen ekijaqty kezdesýler ótkizdi. BUU ókilderi D. Káletaevtiń Álemdik jáne dástúrli dinder Seziniń kezekti otyrysyna qatysý jónindegi shaqyrýdy qyzyǵýshylyqpen qabyldady.

Astana dinaralyq suhbatynyń ósip kele jatqan bedelin moıyndaı otyryp, olar Sezdiń jekelegen sektsııalaryna moderator retinde qatysýǵa daıyn ekenindikterin bildirdi.

Aıta keteıik, álemdik jáne dástúrli din lıderleriniń kezekti Sezi aǵymdaǵy jyly qazan aıynda Astanada ótedi.