Dárigerler eki kúnde 14 biregeı ota jasady

<p>ASTANA. KAZINFORM &ndash; Akademık N.J. Batpenov atyndaǵy Ulttyq ǵylymı travmatologııa jáne ortopedııa ortalyǵynyń bazasynda 14 biregeı ota jasaldy. Sheberlik synyptary 2024 jylǵy 26-27 tamyzda IV Travmatologtar Sezi jáne Qazaqstan travmatolog-ortopedter qaýymdastyǵynyń III Sezi aıasynda ótti, olar 15 elden kelgen 500-den astam qatysýshyny biriktirdi. Bul týraly QR Densaýlyq saqtaý mınıstrliginiń baspasóz qyzmeti málim etti.&nbsp;</p>

Týa bitken skolıozy bar úsh jasar balaǵa omyrtqany túzetý boıynsha kúrdeli ota jasaldy. Bul ota L5-S1 jarty omyrtqasyn alyp tastaýdy talap etti, bul naýqastyń jaǵdaıyn aıtarlyqtaı jaqsartýǵa múmkindik berdi. Bul hırýrgııalyq aralasýdyń tikeleı translıatsııasy búkil álemdegi balalar omyrtqasy hırýrgııa salasyndaǵy mamandardyń nazaryn aýdardy.

Foto: QR Densaýlyq saqtaý mınıstrligi

Taǵy bir ota — bilek súıekteriniń durys bitpegen qosylystaryn qalpyna keltirý arqyly naýqastyń qolynyń anatomııasy men fýnktsıonaldyǵyn qalpyna keltirýge arnaldy. 3D-modeldeý jáne aldyn ala jasalǵan úlginiń qoldanylýy dál ári qaýipsiz túzetýdi qamtamasyz etip, emdeý nátıjelerin jáne naýqastyń qalpyna kelýin aıtarlyqtaı jaqsartty.

«Mınımaldy ınvazıvti endoskopııalyq ádisterdi qoldanýmen jasalǵan hırýrgııalyq aralasý kúrdeli travmatologııalyq jaǵdaılardy emdeýdiń jańa múmkindikterin kórsetti. Bul tehnıka ota ýaqytyn aıtarlyqtaı qysqartýǵa jáne naýqas úshin qaýipterdi azaıtýǵa múmkindik berip, jyldam qalpyna kelýdi qamtamasyz etti», — delingen habarlamada.

Sezdiń negizgi qorytyndylarynyń biri — Qazaqstan, Qyrǵyzstan, Ózbekstan, Iran, Reseı, Túrkııa, Tájikstan jáne Qytaı arasyndaǵy yntymaqtastyq týraly Memorandýmǵa qol qoıylýy boldy. Bul qujat travmatologııa jáne ortopedııa salasyndaǵy ǵylymı-praktıkalyq qatynastardy jáne birlesken zertteýlerdi odan ári damytýǵa negiz bolady.

IV Travmatologtar sezi jáne Qazaqstan travmatolog-ortopedter qaýymdastyǵynyń III sezi mamandardyń joǵary biliktiligin kórsetip qana qoımaı, ozyq tájirıbe almasýdyń, emdeýdiń jańa ádisterin talqylaýdyń jáne halyqaralyq yntymaqtastyqty nyǵaıtýdyń alańyna aınaldy.