Dárigerge qaralý úshin terapevtiń joldamasy kerek bolmaıdy

<p>ASTANA. KAZINFORM &ndash; Densaýlyq saqtaý mınıstrligi arnaıy mamandarǵa joldama alý tártibin, dıagnostıkalyq emsharalarǵa jazylýdy, jalpy praktıka dárigerlerine birneshe ret júginý qajettiligin qaıta qaraıtyn boldy.&nbsp;</p>

Jalpy medıtsınalyq uıymdarǵa patsıentter tarapynan túsetin shaǵymnyń eń kóp úlesi dál osy máselege qatysty eken. 

«Qazirgi ýaqytta sozylmaly aýrýlary bar patsıentter úshin arnaıy mamandarǵa qoljetimdilik protsesin edáýir jeńildetetin jańa reglamentter daıyndap jatyrmyz», — dedi Densaýlyq saqtaý mınıstrliginiń basshysy Aqmaral Álnazarova.

Mınıstrdiń aıtýynsha, protsesterdi ońtaılandyrý nátıjesinde qoldanystaǵy anyqtamalardyń 27 túrin qysqartý kózdelgen. Rásimderdiń negizsiz túrlerin alyp tastaý maqsatynda dıagnostıka jáne emdeý hattamalary qaıta qaralmaqshy. 

Sonymen qatar, dárigerlerdiń júktemesin azaıtý úshin toltyrýǵa arnalǵan eseptik nysandar jeńildetiledi, olardyń bir bóligi orta medıtsınalyq personal deńgeıine aýystyrylady.

Patsıentterge yńǵaıly bolý úshin josparly emdeýge jatqyzýǵa arnalǵan taldaýlardyń tizbesi jalpy 42 zertteýge qysqartylatyn bolady jáne olardyń qoldanylý merzimin 3 aıǵa deıin ulǵaıtý engizilmekshi. 

Kelesi jaǵdaılarda arnaıy mamandarǵa:

— shuǵyl jaǵdaılar men jaraqattar, onyń ishinde oftalmologııalyq, otorınolarıngologııalyq jáne basqa da jaraqattar;

— shuǵyl jáne josparly stomatologııalyq kómek kórsetý;

— dermatovenerologııalyq beıindegi aýrýlar;

-tirkelgen jeri boıynsha akýsher-gınekolog pen psıhologqa qabyldaý;

— onkologııalyq jáne gematologııalyq beıindegi aýrýlarǵa kúdik bolǵan jaǵdaıda;

— dınamıkalyq baqylaý aýrýynyń beıini boıynsha;

— jastar densaýlyq ortalyqtaryna júginý reglamenti jeńildetilgen.

Eske sala keteıik, buǵan deıin  elordada vedomstvolyq baǵynysty mekemelerde dárigerlik kadrlardyń tapshylyǵy joq ekeni týraly jazǵan bolatynbyz. Sondaı-aq, elimizde 5 jasqa deıingi balalar arasynda kókjótel jıilegenin habarlaǵan edik.