Danııar Turǵanbaev: Ulttyq tabıǵı parkterge ınspektorlar jetispeıdi
«Ulttyq parkterdi qoqyspen lastaý máselesi shynymen ózekti. Bizdiń ınspektorlar onymen aınalysyp jatyr. Ulttyq parkterdiń óz ınspektorlary bar, aýmaqtyq ınspektsııalardyń ókiletti ınspektorlary bar. Olar osyǵan deıin qoqyspen kúresip kelgen, áli de kúrese beredi. Bul jerdegi jalǵyz másele – ınspektorlardyń sany az. Qalaı desek te, ishki týrızm artyp keledi. Ulttyq parkterge barýshylardyń úlesi kóbeıip jatyr. Inspektorlardyń ulttyq parkti qoqystan tazartýdan basqa da mindetteri kóp. Sondyqtan maman tapshylyǵy bar. Biz ulttyq saıabaqtarǵa kirgeni úshin alatyn tólemniń bir bóligin qosymsha jumys kúshin jaldaýǵa baǵyttaǵaly otyrmyz», - dedi ol Ortalyq kommýnıkatsııalar qyzmetinde ótken brıfıngide.
Mamannyń málimeti boıynsha, eldegi ulttyq parkterdiń bárindegi ınspektorlardyń sany 800-ge de jetpeıdi.
«Eldegi ulttyq tabıǵı parkterde barlyǵy 750-800 ınspektor bar. Bul ınspektorlar tek týrıstik nysandardyń tazalyǵyn kúzetýmen shektelmeıdi. Ulttyq parkterdiń eń kishisi 50 myń gektarǵa sozylyp jatsa, eń úlkenderi 700 myń gektarǵa deıin jaıylyp jatyr. Osy aýmaqtyń bárinde orman sharýashylyǵymen baılanysty basqa da jumystary bar. ıAǵnı, 700 ınspektor týrıstik nysandardan shyqpaıdy degen túsinik bolmaýy kerek. Orman alqabyn qalpyna keltirý, órtten qorǵaý, ósimdikter men janýarlar álemin kúzetý sııaqty jumystary bar. Sondyqtan týrıstik nysandardaǵy ınspektorlardyń jetispeıtini ras», - dedi komıtet tóraǵasynyń orynbasary.