Danııar Orynbasarov Atyraý oblystyq kásipkerlik basqarmasynyń basshysy boldy

<p>ATYRAÝ. KAZINFORM &ndash; Atyraý oblysy ákiminiń ókimimen oblystyq kásipkerlik jáne ónerkásip basqarmasy basshysynyń laýazymyna Danııar Orynbasarov taǵaıyndaldy.</p>

Ol 1987 jyly Atyraý oblysynda dúnıege kelgen. S.Ótebaev atyndaǵy Atyraý munaı jáne gaz ýnıversıtetin munaı-gaz isi, H.Dosmuhamedov atyndaǵy Atyraý memlekettik ýnıversıtetin quqyqtaný mamandyǵymen bitirgen. Qazaqstan Respýblıkasy Prezıdenti janyndaǵy Memlekettik basqarý akademııasynyń memlekettik jáne jergilikti basqarý magıstri dárejesin alǵan.

Eńbek jolyn 2008 jyly «Nurly Jol» JShS-nyń ınjeneri bolyp bastaǵan. 

2009-2011 jyldary «Bateman Kazakhstan Oil&gas Company B. V» kompanııasy Atyraý fılıalynyń sýpervaızeri, 2012-2017 jyldary aralyǵynda Atyraý oblysy boıynsha kedendik baqylaý departamentinde, memlekettik kirister komıtetinde túrli laýazymynda jumys istedi.

2017-2022 jyldary aralyǵynda Ulttyq ekonomıka mınıstrligiinń ınvestıtsııalyq saıasat departamentinde bas sarapshy, ınvestıtsııalyq saıasat, keıinnen memlekettik-jekeshelik áriptestikti damytý basqarmasynyń basshysy bolǵan.

Al 2022-2023 jyldary Premer-Mınıstr Keńsesiniń ındýstrııaldyq-ınnovatsııalyq damý bóliminiń bas konsýltanty, 2023-2023 jyldary Premer-Mınıstr apparatynyń naqty sektordy jáne óńirlerdi damytý bóliminiń bas konsýltanty, 2023 jyldan osy taǵaıyndaýǵa deıin oblys ákimi apparaty basshysynyń orynbasary laýazymyn atqarǵan.

Eske sala ketelik, buǵan deıin Atyraý oblystyq jumyspen qamtý basqarmasynyń basshysy taǵaıyndalǵan habarlaǵan edik.