Danııar Esın Syr óńiriniń jastarymen kezdesti
B.Saparbaevtyń tapsyrmasyna sáıkes, júzdesýde Jastar jylyn atap ótýdiń Úkimet bekitken Jol kartasyna engen baǵdarlamalar men tapsyrmalardyń oryndalý barysy talqylandy. Sondaı-aq vıtse-mınıstr jumys sapary barysynda áleýmettik tapsyrys arqyly oblysta birinshi ret júzege asyrylyp jatqan «Kyzylorda business hub» jobasyna qatysýshylardyń joba jasaý sátine kýá boldy. «Kyzylorda business hub» - jastardyń startap jobalaryn ınvestor aldynda qorǵaýǵa úıretýge, bızneske baýlýǵa baǵyttalǵan.
Maqsaty - jastardyń ıdeıalaryn bızneske aınaldyrý arqyly tabys tabýǵa, ınvestorlarmen saýatty qarym-qatynas ornatýǵa, óz jobasynyń múmkindigin jarııa ete alatyndaı jaǵdaıǵa jetkizip, ózin jáne jobasyn ınvestorlarǵa ótkize alatyndaı jaýapkershilikke úıretý.
D.Esın jastar startaptarynyń baǵyttarymen tanysyp, óz tarapynan usynystaryn bildirdi. Jas startaperlermen kezdesý barysynda buǵan deıin Boeing 757 bazasynda jańa ushaqtyń tehnıkalyq jáne dızaınerlik kelbetin jasaqtaǵan Evgenıı Demıdenko kelesi jobasyn tanystyrdy. Evgenıı vıtse-mınıstrge YouTube beınehostıngine uqsaıtyn, biraq múmkindigi odan joǵary bolatyn qazaqstandyq nusqanyń jobasyn iske qosý boıynsha jumystar júrgizip, ınvestor izdestirip jatqanyn baıandady. Budan bólek, Aqparat jáne qoǵamdyq damý mınıstriniń orynbasary Jastar jyly aıasynda barlyq kommýnıkatsııamen jabdyqtalǵan Qyzylorda jastary úshin jasaqtalǵan oblystyq Jastar ortalyǵymen tanysty. D. Esın 4 myń sharshy metr aýmaqty quraıtyn zamanaýı ortalyq jumysymen tanysa otyryp, aımaqta jastar úshin qabyldanǵan sharalarǵa oń baǵa berdi. Ortalyq jumysyn qaıta jasaqtaý Jastar jylynda jastarǵa jasalǵan úlken qoldaý ekendigin atap ótti. Jasalǵan qoldaýdy tıimdi ári maqsatty paıdalanyp, jastardy jetistikke jetýge shaqyrdy. Jastar ortalyǵynda jastar úshin óz-ózine qyzmet kórsetý, keńes berý, kitaphana, medıtsına qyzmetkeri, psıholog, antı-kafe, 330 oryndyq kópfýnktsııaly zal, kovorkıng jáne fıtnes zaldarmen qatar, arnaıy IT-park jumysy uıymdastyrylǵan. Ortalyq túngi mezgilde de jumys isteıdi.
Sonymen qatar vı-mınıstr sol jaǵalaýda ornalasqan Rýhanı jańǵyrý ortalyǵynyń qyzmetimen tanysty. Qalalyq mýzeı ornalasqan jańa ǵımarattaǵy Rýhanı jańǵyrý ortalyǵynyń jumysyna oń baǵa berildi.
Oblysqa sapar Jalaǵash aýdanynda ótken kezdesýmen qorytyndylandy. Aýdanda Jastar jyly aıasynda qaıta uıymdastyrylǵan Jastar ortalyǵymen tanysyp, jastarmen kezdesti. Usynys-pikirlerin tyńdady. Jastar ortalyǵyn qaıta jańǵyrtý arqyly aýdan jastary bas qosatyn orynnyń paıda bolǵanyna, olardyń ýaqytyn tıimdi uıymdastyrýǵa yqpal etkendigine kóz jetkizdi.
Aýdan ákimdigi Jastar jylyna oraı bıýdjetten 5 mln teńge bólip, jastarǵa arnalǵan ortalyqty zamanaýı úlgide jańǵyrtyp bergen. Keleshek urpaqpen kezdesý barysynda Jastar jylynyń Jol kartasy aıasynda júzege asyrylǵan jáne búginde barlyq óńirlerde naqty jumys jasaıtyn, turaqty áleýmettik baǵdarlanǵan bıznes jobalardy iske qosýdy, aýyl jastarynyń ekonomıkalyq jáne áleýmettik lıftilerge qol jetkizýin arttyrýdy maqsat tutqan «Zeren-2019» jastarǵa bilim berý respýblıkalyq jazǵy lageriniń maqsatty júzege asyrylǵanyna kóz jetkizdi. Sebebi, lagerge qatysýshy bir ǵana Jalaǵash aýdanynyń jastary jalpy alǵanda 3,5 mln teńgege sertıfıkattardyń ıesi atanǵan. Qorǵaǵan jobalaryn aýdan jastary kóktemgi mezgilden bastap júzege asyrýǵa daıyn ekendikterin bildirdi. Danııar Esın sonymen qatar, aýdanda birqatar turǵyndarmen kezdesip, Memleket basshysy Q. Toqaevtyń Joldaýda júktegen mindetterin oryndaý barysymen tanystyrdy.