Danııar Eleýsinovtiń kelesi jekpe-jeginiń datasy ataldy

NUR-SULTAN. QazAqparat –Orta salmaqtaǵy boksshy Danııar Eleýsinov (10-0, 6 KO) kelesi jekpe-jegin sáýir aıynyń ortasynda ótkizýi múmkin, dep habarlaıdy QazAqparat Sports.kz saıtyna silteme jasap.

Buǵan deıin Danııardyń promoýteri Eddı Hırn qazaqstandyq úshin sáýirde Demetrıýs Andrade (29-0, 18 KO) — Lıam Ýılıams (23-2-1, 18 KO) boks keshiniń anderkartynda jekpe-jek uıymdastyrý jospary týraly aıtqan bolatyn. Endi Matchroom Boxing basshysy aldaǵy ótetin shoýdyń kútilip otyrǵan datasyn naqtylady – bul 17 sáýir. Boks keshi AQSh-tyń Rod-Aılend shtatynyń Provıdens qalasynda uıymdastyrylmaq.

Qazaqstandyq boksshynyń qarsylasy ázirge belgisiz. Hırnniń aıtýynsha, artyq tólem jasaýǵa týra kelse de, olar Eleýsinov úshin myqty qarsylas tabýǵa tyrysady.

Eske sala ketsek, 27 qarasha kúni ótken sońǵy jekpe-jeginde Danııar burynǵy álem chempıony, Namıbııa boksshysy Djýlıýs Indongony (23-3, 13 KO) ekinshi raýndta nokaýtqa jiberip, IBF Inter-Continental-dyń bos tıtýlyn jeńip aldy.