Danııar Eleýsinovtiń alda ótetin jekpe-jegine baǵa berildi

NUR-SULTAN. QazAqparat – Boxrec.com saıty qazaqstandyq boksshy Danııar Eleýsinovtiń (10-0, 6 KO) aldaǵy ýaqytta ótetin meksıkalyq Dante Hardonmen (34-7, 25 KO) jekpe-jegine baǵa berdi, dep habarlaıdy QazAqparat Sports.kz saıtyna silteme jasap.

Bul jekpe-jekte IBO nusqasy boıynsha jartylaı orta salmaqtaǵy álem chempıonynyń bos tıtýly báske tigiledi.

BoxRec bul aıqasty bes juldyzdyń ishinde úsh juldyzǵa baǵalady. Budan buryn Eleýsinovtiń Alan Sanches (21-5-1, 10 KO) jáne Djýlıýs Indongomen (23-4, 12 KO) ótkizgen jekpe-jekteri de úsh juldyzǵa baǵalanǵan bolatyn. Indongomen qazaqstandyq IBF Inter-Continental bos beldigi úshin aıqasty, al Sanchespen ótken jekpe-jekke múlde tıtýl tigilmegen.

Eske salsaq, 18 jeltoqsan kúni Nur-Sultan qalasynda el Táýelsizdiginiń 30 jyldyǵyna arnalǵan kásipqoı boks keshi ótedi. Bul Danır Eleýsinovtiń álem chempıony tıtýly úshin birinshi aıqasy bolmaq. Sonymen qatar onyń qarsylasy belgili boldy.