Danııar Eleýsinov jańa mınıstrden Serik Sápıevti qyzmetke alýdy surady

ASTANA. QazAqparat – Kásipqoı boksshy Danııar Eleýsinov (11-0, 6 KO) jańadan qurylǵan Týrızm jáne sport mınıstrliginiń basshysy Ermek Marjyqpaevtan Olımpıada chempıony, Májilistiń eks-depýtaty Serik Sápıevti qyzmetke alýdy surady, dep habarlaıdy QazAqparat.

«Jeke Týrızm jáne sport mınıstrligi qurylǵany týraly jaqsy jańalyq estidim. Jańa mınıstrlikti burynǵy sportshy Ermek Marjyqpaev basqardy, bul eki ese jaǵymdy jańalyq. Ermek Marjyqpaev, taǵaıyndalýyńyzben quttyqtaımyn! Bizge sporttyń barlyq máselelerin ishteı biletin jáne memlekettik qyzmette tájirıbesi bar sport adamdary qajet. Onda óz isiniń mamany Serik Sapıevti kórý jaqsy bolar edi. Seke, oralyńyz jáne bizdiń sportty olımpıada bıikterine kóterińiz», - dep jazdy D.Eleýsinov Іnstagram-paraqshasynda.

Eske salaıyq, 1 qyrkúıek kúni Prezıdent Jarlyǵymen jańadan 5 mınıstrlik qurylǵan bolatyn – Sý resýrstary jáne ırrıgatsııa mınıstrligi; Kólik mınıstrligi; Týrızm jáne sport mınıstrligi; Mádenıet jáne aqparat mınıstrligi; Ónerkásip jáne qurylys mınıstrligi.

Týrızm jáne sport mınıstri qyzmetine 2019 jyldan beri Aqmola oblysynyń ákimi bolǵan Ermek Marjyqpaev taǵaıyndaldy.

Al 40 jastaǵy Serik Sápıev bokstan eki dúrkin álem chempıony, Olımpıada jeńimpazy. 2017-2019 jyldary – Májilis depýtaty, 2019-2021 jyldary QR Mádenıet jáne sport mınıstrligi Sport jáne dene shynyqtyrý komıtetiniń basshysy boldy. 2023 jyldyń sáýirinde «Qazaqstan sportshylary odaǵy» RQB prezıdıýmynyń tóraǵasy qyzmetine taǵaıyndaldy.